ລັດຖະມົນຕີກະຊວງວິທະຍາສາດ ຮຽກຮ້ອງໃຫ້ທຸກພາກສ່ວນຮ່ວມແຮງຮ່ວມໃຈຄົ້ນຄວ້າປະດິດສ້າງຂອງຕົນ
ເນື່ອງໃນໂອກາດວັນວິທະຍາສາດແຫ່ງຊາດ 12 ຕຸລາ 2018, ທ່ານ ບໍ່ວຽງຄຳ ວົງດາລາ ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ໄດ້ຮຽກຮ້ອງມາຍັງບັນດານັກວິທະຍາ ສາດ, ນັກຄົ້ນຄວ້າ, ນັກຮຽນຮູ້, ປັນຍາຊົນ, ຜູ້ປະກອບການ ແລະ ນັກທຸລະກິດທຸກພາກສ່ວນ ຈົ່ງສືບຕໍ່ເສີມຂະຫຍາຍມູນເຊື້ອ ການຄົ້ນຄວ້າປະດິດສ້າງຂອງຕົນ ເພື່ອສູ້ຊົນປະຕິບັດໜ້າທີ່ ແລະ ຍົກລະ ດັບຄວາມຮູ້ຄວາມສາມາດຂອງຕົນໃຫ້ສູງຂຶ້ນ, ເພື່ອປະກອບສ່ວນຢ່າງສົມກຽດ ເຂົ້າໃນພາລະກິດວິທະ ຍາສາດ ແລະ ເຕັກໂນໂລຊີ ຂອງປະເທດເຮົາ. ພ້ອມນີ້ ກໍໃຫ້ສຸມໃສ່ການຄົ້ນຄວ້າ ນໍາໃຊ້ວິທະຍາສາດທີ່ເປັນຂົງເຂດບຸລິມະສິດ, ພັດທະນາເຕັກໂນໂລຊີ ທີ່ສອດຄ່ອງ ແລະ ສົ່ງເສີມການສ້າງຜູ້ປະກອບການດ້ານນະວັດຕະກໍາ (Start up) ເພື່ອໃຫ້ສາມາດສ້າງຜະລິດຕະພັນນະວັດຕະກຳ ທີ່ມີຄຸນນະພາບ ສາມາດແຂ່ງຂັນໄດ້ ໃນຕະຫລາດພາຍໃນປະເທດ ແລະ ສາກົນ, ປະກອບສ່ວນເຂົ້າໃນການຫັນເປັນອຸດສາຫະກໍາ ແລະ ທັນສະໄໝຂອງປະ ເທດເຮົາ ບົນຈິດໃຈບຸກທະລຸ ຕາມມະຕິຂອງກອງປະຊຸມໃຫຍ່ ຄັ້ງທີ X ຂອງພັກວາງອອກ, ພ້ອມກັນສືບຕໍ່ສ້າງຜົນງານ ໃນຂະບວນການແຂ່ງຂັນ “ຮັກຊາດ ແລະ ພັດທະນາ” ແລະ ອອກແຮງຄົ້ນຄວ້າ-ພັດທະນາ ນໍາໃຊ້ວິທະຍາສາດ, ເຕັກໂນໂລຊີ ແລະ ນະວັດຕະກໍາ ເຂົ້າໃນການປົກປັກຮັກສາ ແລະສ້າງສາພັດທະນາປະເທດຊາດ ທີ່ແສນຮັກຂອງພວກເຮົາ ໃຫ້ມີຄວາມກ້າວໜ້າພັດທະນາ ແລະ ຈະ ເລີນຮຸ່ງເຮືອງຕະຫລອດໄປ.
