ເຝົ້າລະວັງໄພພິບັດອາດເກີດຂຶ້ນໃນຍາມແລ້ງ

   ໂດຍ: ທິດກ່ຳ

ສະພາບການປ່ຽນແປງດິນຟ້າອາກາດຢູ່ບ້ານເຮົາໃນປີນີ້, ຊ່ວງຍາມຝົນຜ່ານມາແມ່ນມີຝົນຕົກຫລາຍຈຶ່ງເຮັດໃຫ້ຫລາຍ ທ້ອງຖິ່ນປະສົບບັນຫາໄພນ້ຳ ຖ້ວມອັ່ງຂັງໃນຫລາຍວັນ ແລະ ຫລາຍຄັ້ງຊ້ຳຊ້ອນກັນ ເຮັດ ໃຫ້ພື້ນຖານການຜະລິດ ແລະ ພື້ນຖານໂຄງລ່າງຖືກເສຍຫາຍຢ່າງໜັກໜ່ວງ ແລະ ມີມູນຄ່າ ເສຍຫາຍຫລາຍສິບຕື້ກີບ.

+ ລາວຍັງຕ້ອງການຊ່ວຍເຫລືອຫລາຍດ້ານຫລັງເກີດໄພພິບັດທໍາມະຊາດ2018/

+ ຜົນເສຍຫາຍຈາກໄພພິບັດອາດພາໃຫ້ຂາດແຄນອຶດຫິວ2018/

ສາເຫດຕົ້ນຕໍກໍແມ່ນມາ ຈາກພາຍຸໃຫຍ່ສອງລູກຄື: ພາ ຍຸເຊິນຕິນ ແລະ ເບີບິນກາ, ເມື່ອ ກ້າວເຂົ້າສູ່ລະດູແລ້ງພວກເຮົາ ກໍຍັງບໍ່ທັນຮູ້ວ່າໄພພິບັດທີ່ຈະ ຕາມມາທຳລາຍນັ້ນຈະມີອີກ ຕື່ມຫລືບໍ່? ແຕ່ຕາມທິດກ່ຳວ່າ ສິ່ງທີ່ແນ່ນອນນັ້ນຄືອາກາດ ຮ້ອນກັບອາກາດໜາວຈະຕາມມາຫລືບາງກໍລະນີກໍອາດຈະ ຮ້ອນຫລາຍ, ໜາວຫລາຍ ຈົນກາຍເປັນພິບັດທີ່ເຮົາຄາດ ບໍ່ເຖິງ ແລະ ຈະຕ້ອງໄດ້ກຽມ ພ້ອມເພື່ອຮັບມື.

ໃນຊຸມປີຜ່ານມາ, ແຖວ ພາກເໜືອເຊັ່ນນັບແຕ່ຜົ້ງສາ ລີລົງມາຮອດອຸດົມໄຊ, ຫົວພັນ ແລະ ຊຽງຂວາງມີອາກາດ ໜາວຈົນນ້ຳໝອກກ້າມ, ໄປ ຄຽງຄູ່ກັນນັ້ນ, ຢູ່ຫົວພັນ, ຊຽງ ຂວາງຍັງມີງົວຄວາຍຕາຍ ຍ້ອນພະຍາດໃນລະດູໜາວ ເຊິ່ງບູຮານເຮົາເຄີຍເອີ້ນກັນ ວ່າ ສັດຕາຍຮ່າ, ສ່ວນວ່າແຖວ ພາກກາງພາກໃຕ້ອາກາດຂ້ອນ ຂ້າງຮ້ອນເອົ້າແຕ່ກໍບໍ່ເຖິງຂັ້ນ ມີຄົນ ຫລື ສັດສາວາສິ່ງຕາຍ ຄືຍາມໜາວ.

ແນວໃດກໍດີ, ຕາມທິດກ່ຳ ວ່າເພື່ອປະເຊີນກັບໄພພິບັດທີ່ ອາດຈະເກີດຂຶ້ນແບບມື້ໜຶ່ງ ຍາມດຽວນັ້ນພວກເຮົາຕ້ອງໄດ້ ມີຄວາມພ້ອມໂດຍສະເພາະ ແມ່ນປັດໄຈສີ່ເປັນຕົ້ນຄື: ທີ່ພັກ ອາໄສກໍໃຫ້ແໜ້ນໜາຖາວອນ ໝັ້ນຄົງ ແລະ ມາດຕະຖານສອງ ການກິນການຢູ່ຕ້ອງຫັນສູ່ອາ ຫານທີ່ປອດສານພິດເຄມີ, ປັດ ສະຈາກສິ່ງແປກປອມ ເຊິ່ງ ມັນຈະເປັນທີ່ມາຂອງການທຳ ລາຍສຸຂະພາບ, ສາມແມ່ນຕ້ອງ ມີຢຸກຢາປິ່ນປົວຍາມເກີດເຫດ ເຊັ່ນ: ຢາປົວພະຍາດຕ່າງໆ, ມີວິ ທີ ຕ້ານ ແລະ ປາບປາມໂລກລະ ບາດຕ່າງໆ ໃນລະດູແລ້ງໃຫ້ ທັນການ, ອັນທີສີ່ນັ້ນ ກໍແມ່ນ ເຄື່ອງນຸ່ງຫົ່ມເສື້ອຜ້າອາພອນ ຕ້ອງໃຫ້ມີແຮໄວ້ເມື່ອເກີດໄພ ໜາວມາຍາມໃດກໍ ຕ້ອງໄດ້ເອົາ ອອກມານຳໃຊ້ໂດຍທັນທີ.

ສ່ວນວ່າໄພພິບັດທາງ ດ້ານອື່ນໆ ທີ່ເຄີຍມີ ແລະ ເຄີຍ ໄດ້ຍິນຢູ່ຕ່າງປະເທດເຊັ່ນ: ແຜ່ນດິນໄຫວ, ພູເຂົາ ໄຟລະ ເບີດ, ເກີດຄື້ນສືນາມິ, ນ້ຳທະເລ ຂຶ້ນຍຶ່ງຖ້ວມເຖິງວ່າບ້ານເຮົາ ບໍ່ມີທະເລ ແລະ ມະຫາສະມຸດ ແຕ່ກໍບໍ່ຄວນປະໝາດ ແລະ ເຜີໂຕໂດຍສະເພາະແມ່ນບັນ ຫາໄພພິບັດຈາກແຜ່ນດິນໄຫວ ແລະ ພູເຂົາໄຟລະເບີດ.

ດັ່ງຮູ້ນຳກັນແລ້ວວ່າ, ປະ ເທດລາວເຮົາບໍ່ມີຊາຍແດນ ຈຸດໃດຕິດກັບທະເລ ແລະ ທັງ ຢູ່ໃກທະເລຫລາຍຮ້ອຍກິໂລ ແມັດ ແລະ ມີລະດັບສູງກວ່າ ນ້ຳທະເລເປັນ 1.000 ກວ່າ ແມັດຄວາມສ່ຽງຕໍ່ໄພພິບັດອັນ ມະຫືມານັ້ນ, ຍັງມີໜ້ອຍກວ່າ ປະເທດອ້ອມຂ້າງ.
ເຖິງ່ຢາງໃດກໍດີ, ສະພາບ ໄພພິບັດທີ່ເກີດຈາກການ ປ່ຽນແປງຂອງໜ່ວຍໂລກກໍຄື ຜົນກະທົບຈາກໄພພິບັດບໍ່ວ່າ ຢູ່ບ້ານເຮົາ ຫລື ວ່າບ້ານເພິ່ນບໍ່ ມີໃຜສາມາດລິກລ້ຽງໄດ້ ເຊິ່ງ ສາເຫດອັນຕົ້ນຕໍກໍມາ ຈາກ ມະນຸດເຮົາເອງເປັນຜູ້ທຳລາຍ ເປັນຕົ້ນ: ພາກັນຕັດໄມ້ ທຳລາຍ ປ່າ, ການສ້າງສາພັດທະນາ ບໍ່ໄປຕາມທິດຍືນຍົງຂອງທຳ ມະຊາດ, ແກ້ງແຍ້ງແຂ່ງຂັນ ກັນຜະລິດ ແລະ ທົດລອງອາວຸດ ນິວເຄຍຈົນເຮັດ ໃຫ້ພື້ນດິນ ແລະ ຊັ້ນນ້ຳສັ່ນສະເທືອນ ແລະ ບັນຫາອື່ນໆ ທີ່ເກີດຂຶ້ນ ໃນສັງຄົມນັບບໍ່ຖ້ວນ.

ສະເພາະປະເທດລາວເຮົາແລ້ວ, ເພື່ອຫລີກລ້ຽງໄພພິບັດ ທີ່ອາດຈະເກີດຂຶ້ນໃນຕໍ່ໜ້າ ແລະ ຍາວນານກ່ອນອື່ນໝົດ ກໍຕ້ອງຮ່ວມແຮງຮ່ວມໃຈກັນ ເປັນເຈົ້າການເຊັ່ນ: ເປັນເຈົ້າ ການປົກ ປັກຮັກສາທຳມະຊາດ ແລະ ສິ່ງແວດລ້ອມ, ປູກໄມ້ໃຫ້ ເປັນປ່າຫລາຍໆ, ເປັນເຈົ້າປະ ຕິບັດລະບຽບກົດໝາຍ, ເປັນ ເຈົ້າໃນການປົກປັກຮັກສາ ປະເທດຊາດອັນແສນຮັກ ແລະ ຫວ່ງແຫນຕາມແນວທາງນະ ໂຍບາຍຂອງພັກ ແລະ ລັດຖະ ບານວາງອອກນັ້ນລະຈຶ່ງຖືວ່າ ທຸກຄົນໄດ້ປະຕິບັດພັນທະໜ້າ ທີ່ຕໍ່ປະເທດຊາດ./.