ມອບ-ຮັບຄູຝຶກທີມຊາດຊຸດໃຫຍ່ຢ່າງເປັນທາງການ

ໃນວັນທີ12 ຕຸລາຜ່ານມາ ທີ່ສະຫະພັນບານເຕະແຫ່ງຊາດລາວ (ສຕລ) ໄດ້ມີພິທີຖະແຫລງປ່ຽນຄູຝຶກທີມຊາດຊຸດໃຫຍ່ ເພື່ອກຽມຄວາມພ້ອມເຂົ້າຮ່ວມການແຂ່ງຂັນ ຊູຊຸກິ ຄັບ 2018 ໂດຍມີທ່ານ ວີເພັດ ສີຫາຈັກ ປະທານ ສຕລ, ທ່ານ ວີຊຸນຣໍາ ມໍຕີ ຄູຝຶກທີມຊາດລາວຄົນໃໝ່ ພ້ອມພາກສ່ວນທີ່ກ່ຽວຂ້ອງ ແລະ ສື່ມວນຊົນເຂົ້າຮ່ວມ.

ທ່ານ ວາຣາດາຣາຈູ ຊັນດຣາມູຣທີ (Varadaraju Sundramoorthy) ປະເທດສິງກະໂປ ອາຍຸ 52 ປີ ອະດີດກອງກາງ ແລະ ກອງໜ້າທີມຊາດສິງກະໂປ, ອະດີດຄູຝຶກທີມຊາດສິງກະໂປ ໂດຍຈະເຊັນສັນຍາຄຸມທີມຊາດລາວຊຸດໃຫຍ່ 3 ປີ ແລະ ຈະເລີ່ມຄຸມທີມຊາດລາວ ເກມອຸ່ນເຄື່ອງພົບກັບ ທີມຊາດມົງໂກລີ ຢູ່ນະຄອນຫລວງວຽງຈັນ ໃນວັນທີ 16 ຕຸລານີ້ ກ່ອນຈະເຂົ້າຮ່ວມແຂ່ງຂັນ AFF Suzuki Cup 2018 ນີ້.