ຫລວງພະບາງຈະເພີ່ມກຳລັງຮັກສາຄວາມສະຫງົບໂຄງການກໍ່ສ້າງທາງລົດໄຟ ລາວ-ຈີນ
ຫົວໜ້າຫ້ອງການກອງ ບັນຊາການ ປກສ ແຂວງຫລວງ ພະບາງ ໃຫ້ຮູ້ໃນກອງປະຊຸມ ສະຫລຸບວຽກງານປ້ອງກັນ ຄວາມສະຫງົບໂຄງການກໍ່ ສ້າງເສັ້ນທາງລົດໄຟ ລາວ- ຈີນ,ໃນຂອບເຂດ ແຂວງຂອງ ຕົນ ວ່າ: ແຂວງຫລວງພະບາງ, ມີເສັ້ນທາງລົດໄຟຜ່ານໄລຍະ ທາງຍາວ 80 ກິໂລແມັດ, ຄື: ຜ່ານຕົວເມືອງຫລວງພະບາງ, ເມືອງຈອມເພັດ ແລະ ເມືອງ ຊຽງເງິນ, ມີ 1 ສະຖານີໃຫຍ່ ແລະ 5 ສະຖານີນ້ອຍ, ມີຂົວ ຂ້າມນ້ຳຄານ 3 ແຫ່ງ, ຂົວທົ່ວ ໄປ 28 ແຫ່ງ ແລະ ອຸໂມງ 23 ແຫ່ງ, ໂດຍກະຊວງປ້ອງກັນ ຄວາມສະຫງົບໄດ້ຈັດສັນກຳ ລັງລົງປ້ອງກັນປະຈຳໃນ 6 ຈຸດຄື: ຈຸດແຄ້ມກິ່ວກະຈຳ, ແຄ້ມ ກິ່ວຕະລຸນ 2, ຈຸດບ້ານດອນ ໂມ ເມືອງຊຽງເງິນ, ບ້ານພອນໄຊ ນະຄອນຫລວງພະບາງ ແລະ ຈຸດຫ້ວຍດໍ້ເມືອງຈອມເພັດ. ຜ່ານມາສາມາດ ແກ້ໄຂປາກົດ ການຫຍໍ້ທໍ້ຕ່າງໆ ທັງໝົດ 28 ກໍລະນີ. ສ່ວນໃຫຍ່ແມ່ນລັກ ຊັບ, ອາລະວາດຕີກັນ ແລະ ອຸ ປະຕິເຫດຕ່າງໆ ແລະ ໃນຕໍ່ ໜ້ານີ້, ເພື່ອຮັບປະກັນໃຫ້ມີ ຄວາມເປັນລະບຽບຮຽບຮ້ອຍ ແລະ ສະຫງົບປອດໄພຫລາຍ ຂຶ້ນແມ່ນຈະໄດ້ບັນຈຸຊັບຊ້ອນ ກຳລັງປ້ອງກັນຫລາຍຂຶ້ນຕື່ມ ອີກ 5 ຈຸດຄື: ຢູ່ເມືອງຈອມ ເພັດ ເພີ່ມອີກ 2 ຈຸດຄື: ຈຸດ ບ້ານ ຫ້ວຍແຂ້ ແລະ ບ້ານນາສັງ, ເມືອງຊຽງເງິນເພີ່ມອີກ 3 ຈຸດ ຄື: ຈຸດບ້ານບວມອໍ້, ແຄ້ມນ້ຳ ເນີນ ແລະ ຈຸດແຄ້ມປາກປອນ.
+ ຫລວງນໍ້າທາຫາລືການຊົດເຊີຍຜົນກະທົບໂຄງການລົດໄຟລາວ-ຈີນ2018
+ ທາງລົດໄຟລາວ-ຈີນເຂດຫລວງນ້ຳທາເຈາະສຳເລັດແລ້ວກວ່າ 24%2017/
