ໜີ້ຄ່າກະແສໄຟຟ້າເຍືອງທາງໃນນະຄອນຫລວງວຽງຈັນ ຈຳນວນ 40 ຕື້ກີບ ໃຜຮັບຜິດຊອບ
ໂດຍ: ທ່ຽງທຳ
ສະບາຍດີເພື່ອນຜູ້ອ່ານ ທີ່ ຮັກແພງ, ຕົວເລກໜີ້ສິນຄ່າກະ ແສໄຟຟ້າເຍືອງທາງໃນນະຄອນ ຫລວງວຽງຈັນຢ່າງມະຫາສານ ນີ້, ມີໜ້ອຍຄົນທີ່ຈະຮູ້ ແລະ ມັນ ຍ້ອນເຫດຜົນໃດ ແລະ ແມ່ນໃຜ ຈະເປັນຜູ້ຮັບຜິດຊອບມັນກໍຍັງ ແມ່ນຄຳຕອບປິດສະໜາຢູ່.
ກໍດັ່ງການເປີດເຜີຍຂອງ ທ່ານ ຮອງຫົວໜ້າຝ່າຍປະຕິບັດ ການໄຟຟ້ານະຄອນຫລວງວຽງ ຈັນ ໃຫ້ຮູ້ວ່າ: ນັບແຕ່ປີ 2002 ມາຮອດປີ 2012, ໄຟຟ້າເຍືອງ ທາງໃນນະຄອນຫລວງວຽງຈັນ ແມ່ນຢູ່ໃນຄວາມຮັບຜິດຊອບ ຂອງຫ້ອງການຄຸ້ມຄອງບໍລິ ຫານຕົວເມືອງ (ອພບ) ແລະ ມາຮອດປີ 2012 ອົງການປົກ ຄອງນະຄອນຫລວງວຽງຈັນ ໄດ້ມອບໃຫ້ໄຟຟ້າລາວເປັນຜູ້ ຄຸ້ມຄອງບຳລຸງຮັກສາເນື່ອງ ຈາກ ບໍລິສັດດັ່ງກ່າວມີເຄື່ອງ ມືອຸປະກອນ ແລະ ຮູ້ຈັກລະບົບ ເຕັກນິກໄຟຟ້າດີກວ່າພາກ ສ່ວນອື່ນ.
ແຕ່ທັງສອງພາກສ່ວນກໍ ພຽງເຮັດໜ້າທີ່ບົວລະບັດຮັກ ສາລະບົບໄຟຟ້າເທົ່ານັ້ນ ແລະ ກໍບໍ່ໄດ້ລະບຸເຖິງຄວາມຮັບຜິດ ຊອບຄ່າກະແສໄຟຟ້າເຍືອງ ທາງແຕ່ຢ່າງໃດ.
ດັ່ງນັ້ນຈົນມາຮອດປັດຈຸ ບັນກໍບໍ່ມີພາກສ່ວນໃດເຂົ້າມາ ຮັບຜິດຊອບຄ່າກະແສໄຟຟ້າ ດັ່ງກ່າວ.
ຈິ່ງເຮັດໃຫ້ຕົວເລກໜີ້ຄ້າງ ມາຫລາຍເຖິງ 40 ຕື້ກີບ ແລະ ແມ່ນໃຜຈະເປັນຜູ້ຮັບຜິດຊອບ ເຊິ່ງຍັງບໍ່ມີຄຳຕອບ.
ທ່ານ ຮອງຫົວໜ້າຝ່າຍປະ ຕິບັດການໄຟຟ້ານະຄອນຫລວງ ວຽງຈັນໃຫ້ຮູ້ວ່າ: ປັດຈຸບັນໂດຍ ສະເລ່ຍຄ່າກະແສໄຟຟ້າເຍືອງ ທາງໃນນະຄອນຫລວງເຮົາຈະ ຢູ່ລະຫວ່າງ 500-600 ລ້ານ ກີບຕໍ່ເດືອນ, ແຕ່ແມ່ນໃຜພາກ ສ່ວນໃດຈະມາຮັບຜິດຊອບ, ມັນ ກໍເປັນຄຳຖາມທີ່ຈະຫາຄຳຕອບ ໄດ້ຍາກ, ແຕ່ແນວໃດກໍຕາມຕໍ່ ບັນຫາໜີ້ສິນດັ່ງກ່າວໄດ້ຮັບ ການແກ້ໄຂ, ໄຟຟ້າລາວນະ ຄອນຫລວງວຽງຈັນ, ກະຊວງ ພະລັງງານ ແລະ ບໍ່ແຮ່, ກະຊວງ ການເງິນ ແລະ ພາກສ່ວນກ່ຽວ ຂ້ອງອື່ນໆ ຈະໄດ້ຈັດກອງປະ ຊຸມເພື່ອຮ່ວມກັນປຶກສາຫາລືແກ້ ໄຂໃຫ້ເໝາະສົມ, ເພື່ອຮັບປະກັນ ໃຫ້ໄຟຟ້າເຍືອງທາງໃນຕົວເມືອງ ຫລວງໄດ້ຮັບການຄຸ້ມຄອງນຳ ໃຊ້ໃຫ້ມີປະສິດທິຜົນກວ່າເກົ່າ./.
+ ໄຟຟ້ານະຄອນຫລວງກໍາລັງສຸມໃສ່ສ້ອມແປງລະບົບໄຟເຍືອງທາງພາຍຫລັງມີອາຍຸໃຊ້ງານມາດົນແລ້ວ2018/
+ ໄຟຟ້າລາວເຕືອນໃຫ້ສັງຄົມລະວັງຄົນບໍ່ດີແອບອ້າງເປັນພະນັກງານເກັບເງິນຄ່າໄຟຟ້າ2018/
