ໂກນບານຍິງທີມຊາດລາວ ເສຍໃຫ້ ທີມຊາດຈີນ 1-11
ໃນວັນທີ 8 ຕຸລາຜ່ານມາ ນັກກິລາໂກນບານຍິງທີມຊາດລາວ ລົງສະໜາມຄັ້ງທີ 2 ເສຍໃຫ້ ທີມຊາດ ສປ ຈີນ 1-11 ໃນການແຂ່ງຂັນເອຊຽນພາລາເກມ ຄັ້ງທີ 12 ທີ່ປະເທດອິນໂດເນເຊຍ ຈັດຂຶ້ນລະຫວ່າງວັນທີ 6-14 ຕຸລາ.
ການແຂ່ງຂັນໂກນບານພິການຕາມີ 6 ປະເທດເຂົ້າຮ່ວມຄື: ລາວ, ໄທ, ອີຣານ, ອິນໂດເນເຊຍ (ເຈົ້າພາບ), ຍີ່ປຸ່ນ ແລະ ຈີນ ເຊິ່ງນັກກິລາທີມຊາດລາວ ໄດ້ລົງສະໜາມ 2 ຄັ້ງ ເສຍ 2 ຄັ້ງ, ຄັ້ງທໍາອິດເສຍໃຫ້ເຈົ້າພາບ 2-3 ແລະ ຄັ້ງທີ 2 ເສຍໃຫ້ແກ່ ສປ ຈີນ1-11.
ການແຂ່ງຂັນເອຊຽນພາລາເກມຄັ້ງທີ 12 ທີ່ປະເທດອິນໂດເນເຊຍ, ສປປ ລາວ ສົ່ງເຂົ້າຮ່ວມທັງໝົດ 4 ປະເພດກິລາຄື: ແລ່ນ-ລານ, ລອຍນໍ້າ, ຍົກນໍ້າໜັກ ແລະ ໂກນບານຍິງ. ຜ່ານການແຂ່ງຂັນເປັນເວລາ 3 ມື້ ນັກກິລາທີມຊາດລາວ ສາມາດຍາດໄດ້ 1 ຫລຽນຄໍາໃນປະເພດກິລາຍົກນໍ້າໜັກ 49 ກິໂລ.
