ຈະເປີດໃຫ້ລົດເບົາສັນຈອນ ຜ່ານຂົວນ້ຳເຊືອງຊົ່ວຄາວແຕ່ວັນທີ 6 ຕຸລາເປັນຕົ້ນໄປ
ແຫລ່ງຂ່າວທ້ອງຖິ່ນລາຍງານໃຫ້ຮູ້ວ່າ: ພະແນກໂຍທາ ທິການ ແລະ ຂົນສົ່ງ ແຂວງ ຫລວງພະບາງ ຈະເປີດໃຫ້ລົດ ຂະໜາດນ້ອຍສາມາດສັນ ຈອນຜ່ານຂົວນໍ້າເຊືອງ, ນະ ຄອນຫລວງພະບາງໄດ້ຊົ່ວ ຄາວ, ພາຍຫລັງໄດ້ປິດການ ສັນຈອນເພື່ອສ້ອມແປງມາ ເປັນເວລາເກືອບໜຶ່ງເດືອນ, ຍ້ອນຂົວດັ່ງກ່າວໄດ້ຮັບຜົນກະ ທົບຈາກໄພທໍາມະຊາດ ແຕ່ ທ້າຍ ເດືອນກໍລະກົດເປັນຕົ້ນ ມາ, ໄດ້ເຮັດໃຫ້ສົ້ນຂົວຍຸບ ລົງຫລາຍກວ່າ 1 ແມັດ ແລະ ໃນ ໄລຍະສ້ອມແປງ, ພາກສ່ວນ ກ່ຽວຂ້ອງໄດ້ນໍາໃຊ້ບັກຂະໜາດ ໃຫຍ່ເພື່ອບໍລິການຂົນສົ່ງ ລົດຂ້າມໄປມາເປັນຊົ່ວຄາວ.
+ ມອບ-ຮັບໂຄງການກໍ່ສ້າງຂົວນ້ຳລົ້ນ ຢູ່ເມືອງພູຄູນ2018/
+ ກຽມສ້າງຂົວເຊກຸມກາມ ແລະ ຂົວເຊທ່າມວກ ບົນເສັ້ນທາງເລກ 9 ຄືນໃໝ່2017/
ທ່ານຫົວໜ້າຂະແໜງ ຄຸ້ມຄອງທາງບົກພະແນກໂຍ ທາທິການ ແລະ ຂົນສົ່ງແຂວງ ກ່າວວ່າ: ຂົວດັ່ງກ່າວ ສ້າງ ມາໄດ້ 30 ກວ່າປີແລ້ວ, ເປັນຂົວ ເບຕົງເສີມເຫລັກ, ຊຶ່ງພວກ ເຮົາຈະອະນຸຍາດໃຫ້ແຕ່ລົດ ຂະໜາດນ້ອຍເທົ່ານັ້ນຜ່ານຂົວ ໄດ້. ສ່ວນລົດບັນທຸກຂະໜາດ ໃຫຍ່ຍັງບໍ່ສາມາດໃຫ້ຜ່ານໄດ້, ສະນັ້ນຂໍໃຫ້ຫລີກລ້ຽງການ ສັນຈອນໃນເສັ້ນທາງດັ່ງກ່າວ ຈົນກວ່າການສ້ອມແປງຈະ ສໍາເລັດສົມບູນຈຶ່ງສາມາດ ໃຫ້ຜ່ານໄປມາໄດ້ຕາມປົກ ກະຕິ./.
