ປກສ ບຽດຊະນະ ກອງທັບ 3-1 ບານເຕະສາຍ ກ
ທີມ ປກສ ເອັຟຊີ ສາມາດບຽດຊະນະ ທີມກອງທັບ ເອັຟຊີ ໄດ້ 3-1 ໃນຮອບ 4 ທີມສຸດທ້າຍຄັ້ງທີ 1 ການແຂ່ງຂັນບານເຕະສາຍ ກ ຫລື ດີວິຊັນ 1 ໃນວັນທີ 29 ກັນຍາຜ່ານມານີ້ ທີ່ເດີ່ນສະຫະພັນບານເຕະແຫ່ງຊາດລາວ ບ້ານຫ້ວຍຫົງ ເມືອງຈັນທະບູລີ ນະຄອນຫລວງວຽງຈັນ.
ການແຂ່ງຂັນໃນຮອບ 4 ນີ້ ແຕ່ລະທີມຈະໄດ້ລົງສະໜາມແຂ່ງຂັນທັງໝົດ 2 ຄັ້ງ ເພື່ອສະສົມຄະແນນເຂົ້າຊີງອັນດັບທີ 1, ສ່ວນການແຂ່ງຂັນຄັ້ງທີ 1 ທີມ ປກສ ເອັຟຊີ ສາມາດເອົາຊະນະ ກອງທັບ ເອັຟຊີ ໄປໄດ້ 3-1, ສ່ວນ ທີມອີໂວ້ ຢູໄນເຕັດ ສະເໝີ ທີມວຽງຈັນ ຢູໄນເຕັດ 0-0.
ສໍາລັບຕາຕະລາງລົງສະໜາມຄັ້ງທີ 2 ຂອງການແຂ່ງຂັນ 4 ທີມນີ້: ວັນທີ 6 ຕຸລາ ເວລາ 16:00 ໂມງ ທີມວຽງຈັນ ຢູໄນເຕັດ ພົບ ທີມອີໂວ້ ຢູໄນເຕັດ ທີ່ເດີ່ນສະຫະພັນບານເຕະແຫ່ງຊາດ (ສະໜາມ 1). ຂະນະດຽວກັນ ທີມ ປກສ ເອັຟຊີ ພົບກັບ ທີມກອງທັບ ເອັຟຊີ ທີ່ເດີ່ນສະຫະພັນບານເຕະແຫ່ງຊາດລາວ(ສະໜາມ 2).
