ອີຣານຍິງລູກສອນໄຟຖະຫລົ່ມ ຖານທີ່ໝັ້ນກຸ່ມຕິດອາວຸດໃນຊີຣີ

ກອງ​ກຳລັງ​ພິທັກ​ປະຕິວັດ​ອີຣານຍິງ​ລູກ​ສອນ​ໄຟ​ໂຈມ​ຕີ​ຖານ​ທີ່​ໝັ້ນຂອງ​ກຸ່ມ​ຕິດ​ອາວຸດ​ໃນ​ພາກ​ຕາ​ເວັນ​ອອກ​ຂອງ​ຊີຣີ ພຽງ 1 ອາທິດຫລັງ​ເກີດ​ເຫດ​ມື​ປືນ​ຍິງ​ປືນ​ໃສ່​ຂະ​ບວນ​ແຫ່​ຂອງ​ກອງທັບ​ຈົນ​ມີ​ຜູ້​ເສຍ​ຊີວິດ​ສູງ​ເຖິງ 25 ຄົນ.

#IRGC fired several surface-to-surface ballistic missiles at Takfiri militants in an area east of the #Euphrates in #Syria in retaliation for a recent terror attack in the #Iran’s southwestern city of #Ahvazhttps://t.co/FyDlvepwDt pic.twitter.com/0YFgHqrOGK

— Tasnim News Agency (@Tasnimnews_EN) October 1, 2018

ສຳນັກ​ຂ່າວທາສນິມຂອງ​ລັດຖະບານ​ເຕຮາຣານ ລາຍ​ງານ​ວ່າ: ກອງ​ກຳລັງ​ພິທັກ​ປະຕິວັດ​ອີຣານ (IRGC) ປະຕິບັດ​ການ​ທາງ​ທະຫານ​ໃນ​ຕອນ​ຮຸ່ງ​ເຊົ້າຂອງ​ວັນ​ທີ 1 ຕຸລາ​ຕາມ​ເວລາ​ທ້ອງ​ຖິ່ນ ​ໂດຍ​ການ​ຍິງ​ລູກ​ສອນ​ໄຟ​ຢ່າງ​ໜ້ອຍ 6 ລູກ ຂ້າມ​ຊາຍ​ແດນ​ຈາກ​ແຂວງ​ເຄີ​ມັນ​ຊາທີ່ຢູ່​ທາງ​ຕາ​ເວັນ​ຕົກ ​​ໃສ່​ພື້ນທີ່​ທາງ​ຕາ​ເວັນ​ອອກ​ຂອງ​ຊີຣີ ​ເຊິ່ງ​ເປັນ​ຖານ​ທີ່​ໝັ້ນຂອງ “ກຸ່ມ​ກໍ່​ການ​ຮ້າຍ​ນໍ​ກຣີດ” ​ເຊິ່ງ​ໄດ້​ຮັບ​ການ​ສະໜັບສະໜູນ​ຈາກ​ກຸ່ມ​ປະ​ເທດ​ຕາ​ເວັນ​ຕົກ ​ນຳ​ໂດຍ​ອາ​ເມ​ລິ​ກາ. ລາຍ​ງານ​ລະບຸ​ວ່າ: ລູກ​ສອນ​ໄຟ​ສາມາດ​ເດີນທາງ​ໃນ​ໄລຍະ​ໄກ 570 ກິ​ໂລ​ແມັດ ​ແລະ ​ໂຈມ​ຕີ​ເປົ້າໝາຍ​ໄດ້​ຢ່າງ​ແນ່ນອນ, ​ແຕ່​ໃນ​ເບື້ອງຕົ້ນຍັງ​ບໍ່​ມີ​ລາຍ​ງານ​ຄວາມ​ເສຍ​ຫາຍ.

#Iran's IRGC, on early Monday morning, fired 6 ballistic missiles at east of Euphrates in #Syria, targeting the gatherings of the ringleaders of the recent terror attack in the southwestern Iranian city of #Ahvaz pic.twitter.com/y5XrU3Vrai

— Tasnim News Agency (@Tasnimnews_EN) October 1, 2018