ທີມຊາດລາວຊຸດໃຫຍ່ເດີນທາງໄປບັງກະລາເທດ

ໃນວັນທີ 28 ກັນຍາຜ່ານມານີ້ ທີ່ສະໜາມບິນວັດໄຕ ນະຄອນຫລວງວຽງຈັນ, ນັກກິລາບານ​ເຕະທີມຊາດລາວຊຸດໃຫຍ່ ເດີນທາງເຂົ້າຮ່ວມລາຍການແຂ່ງຂັນ Bangabandhu Gold Cup 2018 ທີ່ປະເທດບັງກະລາເທດ ລະຫວ່າງວັນທີ 1-12 ຕຸລາ 2018 ນໍາໂດຍທ່ານ ຄໍາແພງ ວົງຂັນຕີ ຮອງປະທານສະຫະພັນບານເຕະແຫ່ງຊາດລາວ ພ້ອມດ້ວຍຄະນະຄູຝຶກ.

ການແຂ່ງຂັນ Bangabandhu Gold Cup 2018 ທີ່ປະເທດບັງກະລາເທດ ມີ 6 ປະເທດ ແບ່ງອອກເປັນ 2 ກຸ່ມ ຄື: ກຸ່ມ ເອ: ເນປານ, ປາແລສຕິນ ແລະ ທາຈິກິດສະຖານ; ສ່ວນກຸ່ມ ບີ: ບັງກະລາເທດ, ລາວ, ຟີລິບປິນ.

ສໍາລັບຕາຕະລາງການແຂ່ງຂັນ ທີມຊາດລາວ ຈະລົງສະໜາມ 2 ຄັ້ງຄື: ວັນທີ 1 ຕຸລາ 2018 ເວລາ 18:30 ໂມງ ພົບກັບ ທີມຊາດບັງກະລາເທດ (ເຈົ້າພາບ), ວັນທີ 3 ຕຸລາ 2018 ເວລາ 18:30 ໂມງ ພົບ ຟີລິບປິນ ແຂ່ງຂັນຢູ່ສະໜາມ SYLHET ZILA STADIUM.