ຢູຟາ ປະກາດໃຊ້ VAR ໃນ ຢູຟາ ແຊມປ້ຽນລີກ ລະດູການ 2019-20 ແລະ ຢູໂຣ 2020
September 28, 2018 - 3:34 PM
ຫຼັງຈາກເຫັນວ່າປະສົບຄວາມສຳເລັດໃນບານໂລກ 2018 ທີ່ຣັດເຊຍ. ສະຫະພັນບານເຕະເອີຣົບ ຫຼື ຢູຟາ ປະກາດຢືນຢັນຈະໃຊ້ເຕັກໂນໂລຊີ VAR ໃນ ຢູຟາ ແຊມປ້ຽນລີກ ລະດູການ 2019-20 ລວມເຖິງ ຢູຟາ ຊຸບເປີ້ ຄັບ 2019 ທີ່ຈະນຳໃຊ້, ສ່ວນ ຢູຟາ ເອີໂຣປາລີກ ຈະເລີ່ມໃຊ້ໃນລະດູການ 2020-21. ສ່ວນ ຢູຟາ ເນຊັນລີກ ຈະນຳໃຊ້ໃນປີ 2021.
ເຕັກໂນໂລຊີ VAR ປະສົບຄວາມສຳເລັດ ແລະ ໄດ້ຮັບຄຳຊົມຫຼາຍກວ່າຕຳນິໃນການແຂ່ງຂັນບານໂລກ 2018 ທີ່ປະເທດຣັດເຊຍ ແລະ ໃນລີກຊັ້ນນຳຂອງທະວີບເອີຣົບ ສ່ວນໃຫຍ່ກໍນຳໃຊ້ເຕັກໂນໂລຊີ VAR, ເຫຼືອພຽງ ພຮີເມຍລີກ ອັງກິດ ແຕ່ກຳລັງພິຈາລະນາທີ່ຈະໃຊ້ໃນໄວໆນີ້.
