ທ່ຽວຊົມທຳມະຊາດເມືອງຄຳແຂວງຊຽງຂວາງ

ໂດຍ: ຊາຍພະເນຈອນ  

ເມືອງຄໍາ ແມ່ນອີກ ເມືອງ ໜຶ່ງ ຂອງແຂວງຊຽງຂວາງ, ເຊິ່ງ ນອກຈາກອຸດົມສົມສົມບູນ ໄປດ້ວຍວັດວາອາຮາມ, ປູລິຍະ ນິສະຖານອັນສັກສິດ ແລະ ສັກ ກາລະບູຊາທາງດ້ານປະຫວັດ ສາດ ແລະ ວັດທະນະທໍາອັນ ດີງາມແລ້ວ ຍັງມີພູຜາປ່າໄມ້ ແລະ ທໍາມະຊາດອັນຂຽວງາມ ດົກໜາ, ປະກອບມີແຫຼ່ງທ່ອງ ທ່ຽວບໍ່ນໍ້າຮ້ອນບ້ານນາທອງ ແລະ ບໍ່ນໍ້າຮ້ອນບ້ານຊາງ, ເຊິ່ງ ເປັນບໍ່ນໍ້າຮ້ອນຈາກທໍາມະຊາດທີ່ກໍາລັງໄດ້ຮັບຄວາມນິຍົມ ຈາກບັນດານັກທ່ອງທ່ຽວທັງ ພາຍໃນ ແລະ ຕ່າງປະເທດທີ່ ເຂົ້າ ມາທ່ຽວຊົມຢ່າງຫຼວງຫຼາຍ.

+ ໄປເມືອງນ້ຳບາກທ່ຽວຊົມງານສະຫລອງປີທ່ອງທ່ຽວລາວ ແລະ ແຂ່ງຂັນຊ່ວງເຮືອປະຈຳປີ 20182018/

+ ທ່ຽວຊົມທິວທັດທຳມະຊາດໄຊສົມບູນໃຫ້ສຸກໃຈ2018/

ບໍ່ນໍ້າຮ້ອນບ້ານນາທອງ, ເຊິ່ງຕັ້ງຢູ່ຫ່າງຈາກເທສະບານ ເມືອງ ພຽງ 800 ແມັດ, ເປັນ ບໍ່ນໍ້າຮ້ອນທີ່ເກີດຈາກຫຼືບຫີນ ມີນໍ້າໃສສະອາດໄຫຼອອກມາ ຕະຫຼອດປີ ໃນອຸນຫະພູມປະ ມານ 45-50 ອົງສາ, ເຊິ່ງປັດ ຈຸບັນ, ບໍ່ນໍ້າຮ້ອນແຫ່ງນີ້ໄດ້ຮັບ ການປັບປຸງ ແລະ ປົວແປງໃຫ້ ເປັນສະຖານທີ່ທ່ອງທ່ຽວແລ້ວ ດ້ວຍການມີສ່ວນຮ່ວມຈາກ ປະຊາຊົນເຂດດັ່ງກ່າວໃນ ການສ້າງເປັນອ່າງສໍາລັບ ອາບນໍ້າໃນລະດູໜາວ ແລະ ເໝາະສໍາລັບການລົງແຊ່ ເພື່ອປິ່ນປົວພະຍາດໂລຄາ ຕ່າງໆ.

ສ່ວນບໍ່ນໍ້າຮ້ອນ ບ້ານຊາງ ເຊິ່ງຕັ້ງຢູ່ຫ່າງຈາກ ເທສະບານ ເມືອງໄປ ປະມານ 4 ກິໂລ ແມັດ, ເປັນບໍ່ນໍ້າທີ່ໃສສະອາດ ໂດຍມີອຸ່ນຫະພູມປະມານ 60 ອົງສາ ແລະ ມີແຮ່ທາດ ທໍາມະຊາດ ທີ່ມີສັບພະຄຸນໃນ ການປິ່ນປົວພະຍາດຜີວໜັງ ແລະ ກໍໄດ້ຮັບການປັບປຸງປົວ ແປງໃຫ້ເປັນສະຖານທີ່ທ່ອງ ທ່ຽວທາງທໍາມະຊາດໂດຍ ການມີສ່ວນຮ່ວມຂອງປະຊາ ຊົນເຂດດັ່ງກ່າວ, ເຊິ່ງປະກອບ ມີສະຖານທີ່ຮົມຢາພື້ນເມືອງ, ບ່ອນອົບນວດແຜນບູຮານ, ບ່ອນອາບນໍ້າແຮ່ ແລະ ເຮືອນ ພັກແຮມອີກດ້ວຍ, ເຊິ່ງມາຮອດ ປັດຈຸບັນສະຖານທີ່ດັ່ງກ່າວ ກໍໄດ້ມີການປັບປຸງເພີ່ມເຕີມ ສິ່ງເອື້ອອໍານວຍເຊັ່ນ:ບ່ອນ ທ່ຽວຊົມທໍາມະຊາດ, ເຮືອນ ພັກແຮມ, ຮ້ານອາຫານ- ເຄື່ອງ ດື່ມ, ສະຖານທີ່ຍ່າງເລາະປ່າ ແລະ ບ່ອນຂາຍຜະລິດຕະພັນ ຕໍ່າຫູກທໍໄໝຂອງປະຊາຊົນ ເຂດດັ່ງກ່າວ ເພື່ອຮອງຮັບນັກ ທ່ອງທ່ຽວທີ່ເຂົ້າມາທ່ຽວຊົມ ໃຫ້ຫຼາຍຂຶ້ນກວ່າເກົ່າ.

ອອກພັນສາປີນີ້, ເມື່ອ ທ່ານໃດໄດ້ໄປເຂດເມືອງຄໍາ, ແຂວງຊຽງຂວາງ ຢ່າລືມ ໄປແວ່ຊົມ ແລະ ແຊ່ນໍ້າຮ້ອນ ທີ່ບໍ່ນໍ້າຮ້ອນເມືອງຄໍາອັນ ລືຊື່ນີ້ເພື່ອຜ່ອນຄາຍອາລົມ ແລະ ເຮັດໃຫ້ຈິດໃຈສົດຊື່ນ ແຈ່ມໃສຂຶ້ນ.