ກະຊວງສຶກສາ ແລະ ເອດີບີ ຫາລືການອອກແບບແຜນງານພັດທະນາຂະແໜງການສຶກສາ

ເມື່ອບໍ່ດົນຜ່ານມາ, ທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີ ກະຊວງສຶກສາທິ ການ ແລະ ກິລາ ໄດ້ຕ້ອນຮັບ ການເຂົ້າຢ້ຽມພົບປະຂອງ ທ່ານ ຢາຊູຊິ ເນກິຊິ ຜູ້ອໍານວຍ ການຫ້ອງການທະນາຄານພັດ ທະນາອາຊີ ປະຈໍາລາວ ແລະ ທ່ານ ຄຣິດ ສະຟໍ ຊຽວຊານ ດ້ານ ຂະແໜງສັງຄົມ ປະຈໍາປະເທດ ມຽນມາ ພ້ອມດ້ວຍຄະນະ, ເພື່ອປຶກສາຫາລື ແລະ ລາຍງານ ຄວາມຄືບໜ້າໃນການກະກຽມ ອອກແບບແຜນງານພັດທະນາຂອງຂະແໜງການສຶກສາເພື່ອ ການຈ້າງງານທີ່ພາກສ່ວນ ດັ່ງ ກ່າວໄດ້ມາຮ່ວມເຮັດວຽກກັບ ຄະນະຮັບຜິດຊອບວຽກງານ ຂອງຂະແໜງການການສຶກ ສາ ແລະ ເຮັດວຽກກັບກະຊວງ ການເງິນ, ກະຊວງແຜນການ ແລະ ການລົງທຶນ, ກະຊວງແຮງ ງານ ແລະ ສະຫວັດດີການສັງ ຄົມ ແລະ ສູນສະຖິຕິແຫ່ງຊາດ.

+ ກະຊວງສຶກສາ ແລະ ມູນນິທິເກື້ອຝັນເດັກ ສືບຕໍ່ຮ່ວມມືຂະຫຍາຍໂອກາດການເຂົ້າເຖິງການສຶກສາແບບຍືນຍົງ2018/

+ ກະຊວງສຶກສາ ແລະ ອົງການສະຫະປະຊາຊາດກອງທຶນສຳລັບປະຊາກອນ ຫາລືວຽກງານຮ່ວມມືສອງຝ່າຍ2018/

ໃນໂອກາດດຽວກັນນີ້, ທ່ານ ນາງ ແສງເດືອນ ຫຼ້າຈັນ ທະບູນ ກໍໄດ້ກ່າວສະແດງ ຄວາມຕ້ອນຮັບພ້ອມທັງລາຍ ງານໃຫ້ຮູ້ກ່ຽວກັບສະພາບການສຶກສາຂອງລາວໃນປັດຈຸບັນ ພາຍຫຼັງປະສົບໄພພິບັດທາງ ທໍາມະຊາດທີ່ຮ້າຍແຮງ, ເຊິ່ງ ງົບປະມານຂອງລັດສ່ວນ ໃດສ່ວນໜຶ່ງອາດຈະສຸມໃສ່ ການແກ້ໄຂໄພພິບັດດັ່ງກ່າວ, ແຕ່ເຖິງຢ່າງໃດ ລັດຖະບານກໍ ຈະມີການລົງທຶນເຂົ້າໃນຂະ ແໜງການສຶກສາ ແລະ ກິລາ ແລະ ຂະແໜງສາທາລະນະ ສຸກຕື່ມອີກ. ຂະນະດຽວກັນນີ້, ຂະແໜງການສຶກສາ ກໍຈະພະ ຍາຍາມເຮັດໃຫ້ດີທີ່ສຸດເພື່ອ ໃຫ້ບັນລຸເປົ້າໝາຍທີ່ວາງໄວ້ ແລະ ຫວັງວ່າຈະມີການປະ ສານງານກັນຕື່ມກັບຫ້ອງການ ທະນາຄານພັດທະນາອາຊີ ເພື່ອເຮັດໃຫ້ການຊ່ວຍເຫຼືອ ດ້ານການສຶກສາຂອງລາວ ມີປະສິດທິຜົນສູງຂຶ້ນ./.