ພະແນກການເງິນແຂວງຫລວງນ້ຳທາປະກາດການຈັດຕັ້ງຄະນະພັກຮາກຖານ

ວັນທີ 4 ພຶດສະພານີ້, ພະແນກການເງິນແຂວງຫລວງນ້ຳທາໄດ້ປະກາດການຈັດຕັ້ງຄະນະພັກຮາກຖານຂອງ ຕົນໂດຍການເຂົ້າຮ່ວມຂອງສະຫາຍອ່ອນຈັນ ຄຳພາວົງ ກຳມະການພັກແຂວງ ເລຂາຄະນະພັກຮາກຖານຫົວ ໜ່ວຍພະແນກການເງິນແຂວງ ຫລວງນ້ຳທາ, ບົນຈິດໃຈມະຕິ ຕົກລົງຂອງຄະນະປະຈຳພັກ ແຂວງເລກທີ 15/ຄປພຂ, ລົງວັນທີ 17 ມີນາ 2017 ວ່າດ້ວຍ  ການສ້າງຕັ້ງ ແລະ ແຕ່ງຕັ້ງຄະ ນະພັກຮາກຖານດັ່ງກ່າວ, ເຊິ່ງ ລວມມີ 4 ໜ່ວຍພັກທີ່ຂຶ້ນກັບໜ່ວຍພັກພະແນກການເງິນ ແຂວງ, ໜ່ວຍພັກພະແນກສ່ວຍສາອາກອນແຂວງ, ໜ່ວຍພັກຄັງເງິນແຫ່ງຊາດປະຈຳແຂວງ ແລະ  ໜ່ວຍພັກກອງກວດກາພາສີ, ປະກອບມີເລຂາ, ຮອງເລຂາ, ປະທານກວດກາພັກ, ມີກຳມະການພັກເພື່ອແນໃສ່ກໍ່ສ້າງພັກໃຫ້ປອດໃສເຂັ້ມແຂງ ແລະ ໜັກແໜ້ນທາງດ້ານ ການເມືອງແນວຄິດ,  ມີແບບແຜນວິທີນຳພາ, ຊຸກຍູ້ຕິດຕາມ, ກວດກາບັນດາໜ່ວຍພັກທີ່ຕົນຮັບຜິດຊອບ, ໃຫ້ດີກວ່າເກົ່າ,  ພ້ອມເອົາໃຈໃສ່ສຶກສາອົບຮົມ ແລະ ກໍ່ສ້າງມະຫາຊົນຜູ້ກ້າວໜ້າເຂົ້າເປັນສະມາຊິກພັກ, ໃຫ້ກວ້າງ ຂວາງຍັງຂຶ້ນນຳພາກໍ່ສ້າງ ແລະ  ປັບປຸງອົງການຈັດຕັ້ງມະຫາຊົນໃຫ້ນັບມື້ເຂັ້ມແຂງ, ປະກອບສ່ວນເຂົ້າໃນການ ຈັດຕັ້ງປະຕິບັດແຜນພັດທະນາເສດຖະກິດສັງຄົມ ແລະ ນະໂຍບາຍການຕ່າງປະເທດຂອງພັກ, ປະຕິບັດວຽກງານ ປ້ອງກັນຊາດປ້ອງກັນຄວາມສະຫງົບໃຫ້ມີປະສິດທິຜົນສູງຂຶ້ນ.