ກະຊວງສຶກສາ ແລະ ມູນນິທິເກື້ອຝັນເດັກ ສືບຕໍ່ຮ່ວມມືຂະຫຍາຍໂອກາດການເຂົ້າເຖິງການສຶກສາແບບຍືນຍົງ

ພິທີເຊັນບົດບັນທຶກຄວາມ ເຂົ້າໃຈ ໃນໂຄງການຮ່ວມ ມືເພື່ອ ຂະຫຍາຍໂອກາດການເຂົ້າເຖິງການສຶກສາ ແບບຍືນຍົງ ຢູ່ 4 ແຂວງຂອງລາວ ລວມມີມູນ ຄ່າປະມານ 25 ຕື້ກວ່າກີບ (3.137.600 ໂດລາສະຫະ ລັດ). ໄດ້ມີຂຶ້ນໃນວັນທີ 17 ກັນ ຍານີ້, ທີ່ກະຊວງສຶກສາທິການ ແລະ ກິລາ ລະຫວ່າງທ່ານ ຫົວ ໜ້າກົມພົວພັນຕ່າງປະເທດ ກະ ຊວງສຶກສາທິການ ແລະ ກິລາ ແລະ ທ່ານ ປະທານມູນນິທິເກື້ອ ຝັນເດັກ, ໂດຍການເຂົ້າຮ່ວມ ຂອງທ່ານ ກອງສີ ແສງມະນີ ຮອງລັດຖະມົນຕີກະຊວງສຶກ ສາທິການ ແລະ ກິລາ, ມີຜູ້ຕາງ ໜ້າພະແນກສຶກສາທິການ ແລະ ກິລາແຂວງຫຼວງພະບາງ, ໄຊຍະບູລີ, ສະຫວັນນະເຂດ ແລະ ແຂວງ ຈໍາປາສັກເຂົ້າ ຮ່ວມນໍາດ້ວຍ.

+ ກະຊວງສຶກສາ ແລະ ອົງການສະຫະປະຊາຊາດກອງທຶນສຳລັບປະຊາກອນ ຫາລືວຽກງານຮ່ວມມືສອງຝ່າຍ

+ ກະຊວງສຶກສາຫາລືຜ່ານຮ່າງຂອບການປະເມີນຜົນການສຶກສາສາຍສາມັນ

ໂຄງການດັ່ງກ່າວມີການ ຈັດຕັ້ງປະຕິບັດເປັນເວລາ 3 ປີ (2018-2021) ຢູ່ 10 ເມືອງ ຂອງແຂວງຈໍາປາສັກ, 11 ເມືອງ ແຂວງສະຫວັນນະເຂດ, 8 ເມືອງ ແຂວງໄຊຍະບູລີ ແລະ 12 ເມືອງ ແຂວງຫຼວງພະບາງ ເພື່ອເລັ່ງ ໃສ່ພັດທະນາໂຄງລ່າງພື້ນຖານ ກໍ່ສ້າງອາຄານຮຽນ 18 ຫຼັງ, ຫໍພັກນັກຮຽນ 12 ຫຼັງ; ສົ່ງ ເສີມຄຸນນະພາບການຮຽນການສອນ, ໂດຍຜ່ານການເຝິກອົບ ຮົມຄູເພື່ອແນ່ໃສ່ ພັດທະນາສັກ ກະຍະພາບ ແລະ ການບໍລິຫານ ໂຮງຮຽນ; ຕິດຕັ້ງລະບົບນໍ້າ ດື່ມ ແລະ ນໍ້າໃຊ້ທີ່ສະອາດຊ່ວຍ ໃຫ້ໂຮງຮຽນມີສຸຂະອະນາໄມ, ສະໜັບສະໜູນຫ້ອງຄອມພິວ ເຕີໃນໂຮງຮຽນເພື່ອເສີມສ້າງ ການພັດທະນາແບບຍືນຍົງ ແລະ ສະໜັບສະໜູນເງິນ ທຶນ ການສຶກສາໃຫ້ນັກຮຽນ ແລະ ການພັດທະນາສັກກະຍະພາບ ສ້າງຄວາມພ້ອມໃຫ້້ນັກຮຽນ ໃນການສະໝັກເຂົ້າເຮັດວຽກ ຕ່າງໆ ແລະ ຕອບສະໜອງ ຄວາມ ຕ້ອງການຂອງຕະຫຼາດ ແຮງງານ ແລະ ຊ່ວຍສ້າງວຽກ ເຮັດງານທໍາທີ່ມີຄຸນນະພາບ.

ມູນນິທິເກື້ອຝັນເດັກເລີ່ມ ເຂົ້າມາຊ່ວຍເຫຼືອລາວນັບແຕ່ ປີ 2006 ເປັນຕົ້ນມາ ໂດຍໄດ້ ສ້າງອາຄານຮຽນໃຫ້ແກ່ຊຸມ ຊົນຈໍານວນຫຼາຍ ເພື່ອເພີ່ມການ ເຂົ້າ ເຖິງການສຶກສາຂັ້ນພື້ນ ຖານໃຫ້ແກ່ເດັກ ແລະ ເຍົາວະ ຊົນ ຈົນມາຮອດປັດຈຸບັນເປັນ ອົງກອນການກຸສົນຕັ້ງຂຶ້ນໃນ ປີ 2003 ໂດຍມີຄວາມຕັ້ງໃຈ ຊ່ວຍເຫຼືເດັກນ້ອຍທີ່ທຸກຍາກ ຂາດເຂີນທີ່ບໍ່ມີເງື່ອນໄຂ ໃນ ພາກພື້ນລຸ່ມແມ່ນໍ້າຂອງເປັນ ຕົ້ນພາຍໃຕ້ຊື່ “ມູນນິທິເກື້ອ ຝັນເດັກ”.