ວິທີເກັບຮັກສາອາຫານເພື່ອການອຸ່ນຊຳ້ທີ່ຖືກຕ້ອງ

ມື້ນີ້ພວກເຮົາມີເຄັດລັບເພື່ອປ້ອງກັນອາການເຈັບທ້ອງ, ອາການອາຫານເປັນພິດ, ພະຍາດຖອກທ້ອງ ຫລື ອັນຕະລາຍຈາກ ອາຫານທີ່ກິນບໍ່ໝົດ ໂດຍວິທີເກັບຮັກສາອາຫານຢ່າງຖືກຕ້ອງມາແນະນຳທ່ານ.

     – ເຂົ້າຈ້າວຫຸງສຸກ : ສາມາດອຸ່ນຊຳ້ກິນໄດ້ຕາມປົກກະຕິ ບໍ່ມີອັນຕະລາຍໃດໆ ພຽງແຕ່ເກັບຮັກສາໃນຕູ້ເຢັນທີ່ມີອຸນຫະພູມພຽງພໍແລ້ວຈຶ່ງເອົາອອກມາອຸ່ນກິນຕໍ່.

     – ອາຫານທີ່ຈືນແລ້ວ : ຄວນເກັບມ້ຽນໄວ້ບ່ອນເຢັນ ຫາກຢາກເອົາມາອຸ່ນຊຳ້ເພື່ອກິນຕໍ່ ຄວນເອົາມາຜ່ານຄວາມຮ້ອນໃນລະດັບຕໍ່າ ຫລື ໃຊ້ເຕົາອົບໄມໂຄຣເວບອຸ່ນ.

     – ອາຫານທີ່ປຸງແຕ່ງສຸກແລ້ວທົ່ວໄປ ຫລື ຂອງກິນສຸກ : ສາມາດເອົາໄປເຂົ້າຕູ້ເຢັນໄວ້ໄດ້ ສະເລ່ຍແມ່ນດົນເຖິງ 3 ມື້, ຄວນອຸ່ນກິນຊຳ້ບໍ່ເກີນ 1 ເທື່ອ, ຫາກຢາກກິນພຽງບາງພາກສ່ວນ ຄວນຈະແບ່ງອອກມາອຸ່ນພຽງແຕ່ສ່ວນທີ່ຈະກິນ ແລະ ກິນໃຫ້ໝົດໃນເທື່ອດຽວ. ຄວນອຸ່ນອາຫານຈາກຕູ້ເຢັນໃຫ້ຮ້ອນກ່ອນກິນ ນອກຈາກລົດຊາດຈະແຊບກ່ວາກິນເຢັນໆແລ້ວ ຍັງຊ່ວຍທຳລາຍເຊື້ອຈຸລິນຊີບາງພາກສ່ວນທີ່ກໍ່ໂຕຂຶ້ນຈາກການເກັບຮັກສາໄດ້.