U16 ລາວ ຊະນະ ປາກິດສະຖານ 3-0

ໃນ​ວັນ​ທີ 17 ກັນຍານີ້ ນັກ​ກິລາ​ທີ​ມຊາດ​ຍິງ U16 ລາວ ສາມາດເອົາຊະນະ ທີມຊາດປາກິດສະຖານ ໄດ້ 3-0 ໃນການແຂ່ງຂັນ​ບານ​ເຕະຍິງ ຊີງແຊ້ມອາຊີ ລຸ້ນອາຍຸບໍ່ເກີນ 16 ປີ ຮອບຄັດເລືອກ 2019 AFC U-16 WOMEN’S CHAMPIONSHIP 2019 ທີ່ປະເທດມົງໂກລີ ໃນລະຫວ່າງວັນທີ 15-23 ກັນຍາ 2018. ທີມຊາດລາວ ຍິງປະຕູຂຶ້ນນໍາໃນນາທີ 6 ຈາກນາງ ອິນທິດາ ຄູນສີ ສ່ວນປະຕູທີ 2 ແລະ ທີ 3 ໄດ້ຈາກນາງເປ້ ນາທີ 18, 62. ການ​ແຂ່ງຂັນ​​ບານ​ເຕະຍິງ ຊີງແຊ້ມອາຊີ ລຸ້ນອາຍຸບໍ່ເກີນ 16 ປີ ຮອບຄັດເລືອກ 2019 AFC U-16 WOMEN’S CHAMPIONSHIP 2019 ທີ່ປະເທດມົງໂກລີ, ທີມຊາດລາວ ຢູ່ຮ່ວມກຸ່ມບີ ປະກອບມີ: ອິນເດຍ, ຮົງກົງ, ປາກິດສະຖານ ແລະ ມົງໂກລີ (ເຈົ້າພາບ). ສໍາລັບ​ຕາຕະລາງການແຂ່ງຂັນ​ຂອງ​ທີ​ມຊາດ​ລາວ​ຈະ​ລົງ​ສະໜາມອີກ 3 ຄັ້ງ​ຄື: ລົງ​ສະໜາມ​ຄັ້ງ​ທີ 2 ວັນທີ 19 ກັນຍາ ເວລາ 17:00 ​ໂມງ​ ພົບ​ກັບ ມົງໂກລີ, ລົງ​ສະໜາມ​ຄັ້ງ​ທີ 3 ວັນທີ 21 ກັນຍາ ເວລາ 13:00 ​ໂມງ​ ພົບ ຮົງກົງ, ລົງ​ສະໜາມ​ຄັ້ງ​ທີ 4 ວັນທີ 23 ກັນຍາ ເວລາ 17:00 ​ໂມງ ພົບ ອິນເດຍ.