ແຂວງສາລະວັນຕົກລົງໃຫ້ສຳຫລວດແຫລ່ງທ່ອງທ່ຽວປາກເສັດ-ແກ້ງກຸ

ອາທິດຜ່ານມານີ້, ພະ ແນກແຜນການ ແລະ ການລົງ ທຶນແຂວງສາລະວັນ ໄດ້ຮ່ວມ ລົງນາມໃນບົດບັນທຶກຄວາມ ເຂົ້າໃຈ MOU ກັບບໍລິສັດ ລາວ- ໄທ ພັດທະນາການທ່ອງທ່ຽວ ສຶກສາ-ສຳຫລວດຄວາມເປັນ ໄປໄດ້ ເບື້ອງຕົ້ນໃນໂຄງການ ລົງທຶນພັດທະນາແຫ່ງທ່ອງ ທ່ຽວ (ປາກເສັດ-ແກ້ງກຸ) ແລະ ສ້າງຕັ້ງໂຮງແຮມຢູ່ ບ້ານແກ້ງນ້ອຍ ເມືອງວາປີ ແຂວງ ດັ່ງກ່າວເຊິ່ງ ພິທີໄດ້ມີ ຂຶ້ນລະຫວ່າງ ທ່ານ ໄຊຍະເດດ ວົງສາຣະວັນ ຫົວໜ້າພະແນກ ແຜນການ ແລະ ການລົງທຶນ ແຂວງ, ທ່ານ ພູວົງ ທົງສະອອນ ຮອງເຈົ້າເມືອງວາປີ ແລະ ທ່ານ ທະນາກອນກຣັດສຳນຽງ ປະ ທານບໍລິສັດ ລາວ-ໄທ ພັດທະ ນາການທ່ອງທ່ຽວຈຳກັດ, ໂດຍການເຂົ້າຮ່ວມເປັນສັກຂີ ພິຍານຂອງ ທ່ານ ບົວທອງຄຸນ ຍອດປັນຍາ ຮອງເຈົ້າແຂວງໆ ສາລະວັນ.

+ ຮອງເຈົ້າແຂວງເຊກອງ ລົງສຳຫລວດແຫລ່ງທ່ອງທ່ຽວປະຫວັດສາດ ຢູ່ເມືອງລະມາມ

+ ເຊກອງຍົກລະດັບຄຸນນະພາບການບໍລິການດ້ານການທ່ອງທ່ຽວ

ທ່ານ ທະນາກອນ ກຣັດ ສຳນຽງ ໃຫ້ຮູ້ວ່າ: ການສຶກ ສາ-ສຳຫລວດ ຄວາມເປັນໄປ ໄດ້ທີ່ຈະສ້າງເງື່ອນໄຂ ໃຫ້ກັບ ການພັດທະນາກິດຈະກຳການ ທ່ອງທ່ຽວ ແລະ ສົ່ງເສີມໃຫ້ ມີການຂະຫຍາຍຕົວຢ່າງຕໍ່ ເນື່ອງ, ຍືນຍົງ ແລະ ກາຍເປັນ ອຸດສາຫະກຳທ່ອງທ່ຽວທີ່ ທັນສະໄໝ, ສ້າງວຽກເຮັດງານ ທຳໃຫ້ປະຊາຊົນລາວ ແລະ ສົ່ງ ເສີມທຸລະກິດການທ່ອງທ່ຽວ ພາຍໃນທ້ອງຖິ່ນໃຫ້ເຂັ້ມແຂງ ແລະ ສາມາດເຊື່ອມໂຍງກັບ ສາກົນໄດ້. ດັ່ງນັ້ນ ການພັດທະ ນາ ແຫລ່ງທ່ອງທ່ຽວທາງທຳ ມະຊາດ, ສ້າງໂຮງຮຽມ, ເຮືອນ ພັກ, ສວນດອກໄມ້ ເພື່ອອະນຸ ລັກປ່າໄມ້ ແລະ ລະບົບນິເວດ ຕາມແຫລ່ງທ່ອງທ່ຽວໃຫ້ມີ ຄວາມຍືນຍົງ ແລະ ສາມາດ ດຶງດູດນັກທ່ອງທ່ຽວທັງພາຍ ໃນ ແລະ ຕ່າງປະເທດເຂົ້າມາ ທ່ຽວຊົມຫລາຍຂຶ້ນ.

ພາຍຫລັງການຕົກລົງນີ້ ແລ້ວ ບໍລິສັດຈະໄດ້ສຶກສາ ສຳຫລວດຢ່າງລະອຽດຕໍ່ຜົນ ກະທົບສິ່ງແວດລ້ອມ ແລະ ສັງຄົມຕີລາຄາຜົນກະທົບ ທາງດ້ານບວກ, ດ້ານລົບທັງ ໄລຍະສັ້ນ ແລະ ໄລຍະຍາວ, ພ້ອມເຮັດ ບົດວິພາກເສດຖະ ກິດເພື່ອກຳນົດຄວາມເປັນໄປ ໄດ້ທາງດ້ານການເງິນ, ເຕັກ ນິກການນຳໃຊ້ທີ່ດິນ ແລະ ບົດ ສຶກສາ ESIA ແລະ ການວາງ ແຜນສຳຫລັບການຕະຫລາດ ລະຫວ່າງຜູ້ມາບໍລິການ, ຜູ້ໃຫ້ບໍລິການ, ກະກຽມໃນ ດ້ານຕ່າງໆ, ນັບທັງການຈ້າງ ແຮງງານລາວ, ແຮງງານ ຕ່າງປະເທດອີກດ້ວຍ ເຊິ່ງ ຈະໃຊ້ເວລາສຳຫລວດແມ່ນ 12 ເດືອນ./.