ອົດສະຕຣາລີຄາດວ່າໄພແຫ້ງແລ້ງ ຈະແກ່ຍາວໄປຮອດທ້າຍປີ

ສຳນັກງານ​ອຸຕຸນິຍົມ​ວິທະຍາ​ອົດ​ສະຕຣາລີລາ​ຍງານ​ໃນ​ວັນ​ທີ 13 ກັນຍາ​ວ່າ: ສະພາບ​ອາກາດ​ແຫ້ງ​ແລ້ງ​ທົ່ວ​ພື້ນທີ່​ຕາ​ເວັນ​ອອກ​ຂອງ​ປະ​ເທດ​ຈະ​ເປັນ​​ໄປ​ຢ່າງ​ຕໍ່​ເນື່ອງ​ຈົນ​ຮອດ​ປີໜ້າ ​ໂດຍ​ໄພ​ແຫ້ງ​ແລ້ງ​ຍັງ​ສົ່ງ​ຜົນ​ກະທົບ​ຕໍ່​ການ​ຜະລິດ ​ແລະ ສະພາບ​ເສດຖະກິດ.

ລາຍ​ງານ​ທ່າ​ອ່ຽງສະພາບ​ອາກາດ​ອົດ​ສະຕຣາລີ​ໄລຍະ 3 ​ເດືອນ​ຫລ້າ​ສຸດ​ພົບ​ວ່າ: ມີ​ໂອກາດ​ພຽງ 35% ​ເທົ່ານັ້ນທີ່​ຈະ​ມີ​ຝົນຕົກ​ລົງ​ມາ​ໃນ​ພື້ນທີ່​ຕາ​ເວັນ​ອອກລະຫວ່າງ​ວັນ​ທີ 1 ຕຸລາ-ທ້າຍ​ປີ​ນີ້. ສະພາບ​ອາກາດ​ແບບ​ນີ້​ຈະ​ຍິ່ງ​ສົ່ງ​ຜົນ​ກະທົບ​ຕໍ່​ຜົນ​ຜະລິດ. ທະນາຄານ​ກາງ​ອົດ​ສະຕຣາລີ​ເຕືອນ​ວ່າ: ​ໄພ​ແຫ້ງ​ແລ້ງ​ຮຸນ​ແຮງ​ເຮັດ​ໃຫ້​​ເນື້ອທີ່​ກະສິກຳ ​ແລະ ຜົນ​ຜະລິດ​ແຫ້ງ​ຕາຍ​ທາງ​ພາກ​ຕາ​ເວັນ​ອອກ ຈະ​ສົ່ງ​ຜົນ​ກະທົບ​ຕໍ່​ເສດຖະກິດ​ອົດ​ສະຕຣາລີ.