ນັກເຕະດັງແມນຢູ ບໍ່ຕໍ່ສັນຍາຍ້ອນຜູ້ຈັດການທີມ

ອອງໂຕນີ ມາເຊ ກອງໜ້າສະໂມສອນແມນ​ເຊ​ສເຕີ ຢູໄນເຕັດ ບໍ່ຍອມຕໍ່ສັນຍາສະບັບໃໝ່ ຍ້ອນ ໂຊເຊ ມູຮິນໂຢ ຜູ້ຈັດການທີມສະໂມສອນ ແມນ​ເຊ​ສເຕີ ຢູໄນເຕັດ.

ອອງໂຕນີ ມາເຊ ນັກເຕະກອງໜ້າອາຍຸ 22 ປີ ຕ້ອງການຍ້າຍທີມໃນລະດູການຜ່ານມາ  ແລະ  ຜູ້ຈັດການທີມກໍພ້ອມຈະຂາຍນັກເຕະຄົນດັ່ງກ່າວ, ແຕ່ ທາງ ເອັດ ວູດເວີ ຊີອີໂອ ຂອງສະໂມສອນ ບໍ່ຍອມຂາຍ. ດັ່ງນັ້ນ ຈຶ່ງເຮັດໃຫ້ ອອງໂຕນີ ມາເຊ ຍັງຢູ່ກັບສະໂມສອນຕໍ່ໄປ ໂດຍຕາມການລາຍງານຜ່ານມາ ສະໂມສອນ ແມນ​ເຊ​ສເຕີ ຢູໄນເຕັດ ມີແຜນຈະເອົາ ອອງໂຕນີ ມາເຊ ມາຕໍ່ສັນຍາສະບັບໃໝ່ ແຕ່ຜູ້ຈັດການທີມກໍເຫັນດີໃນການຕໍ່ສັນຍາສະບັບນີ້.

ຫລ້າສຸດສໍານັກງານຂ່າວສື່ດັ່ງຂອງອັງກິດໄດ້ເປີດເຜີຍວ່າ: ອອງໂຕນີ ມາເຊ ມີທ່າທີ່ຈະຕໍ່ສັນຍາສະບັບໃໝ່ ແຕ່ຕ້ອງເບິ່ງອະນາຄົດຂອງຜູ້ຈັດການທີມວ່າຈະຢູ່ຄຸມທີມແມນ​ເຊ​ສເຕີ ຢູໄນເຕັດ ຫລື ບໍ່ ແລະ ເຊື່ອກັນວ່າ ອອງໂຕນີ ມາເຊ ຈະຕໍ່ສັນຍາກໍຕໍ່ເມື່ອ ມູຣິນໂຢ ຖືກປົດຕໍາແໜ່ງກ່ອນ.