ເອັສຊີຈີ ເມືອງທອງ ຝຶກຊ້ອມທັກສະ ໃຫ້ແກ່ນັກກິລາເຍົາວະຊົນລາວ

ໃນວັນທີ 30 ສິງຫານີ້ ທີ່ສະໜາມກິລາ ກູດໄລ ສະໂມສອນ ເອັສຊີຈີ ເມືອງທອງ ຢູໄນເຕັດ ໄດ້ຈັດກິດຈະກໍາສອນເຕະບານໃຫ້ແກ່ນັກກິລາເຍົາວະຊົນລາວ ນໍາໂດຍ ສະລັດ ຢູເຢັນ ຫົວໜ້າທີມສະໂມສອນ ເອັສຊີຈີ ເມືອງທອງ ຢູໄນເຕັດພ້ອມດ້ວຍນັກກິລາສະໂມສອນ ແລະ ຄະນະຄູຝຶກເຂົ້າຮ່ວມຝຶກຊ້ອມໃຫ້ແກ່ນ້ອງໆ.

ກິດຈະກໍາຄັ້ງນີ້ ມີນັກກິລາເຂົ້າຮ່ວມທັງໝົດ150 ຄົນ, ໃນນັ້ນ ປະກອບມີລຸ້ນອາຍຸ 5-8 ປີ, 8-12 ປີ, 12-14 ປີ ແລະ 14-16 ປີ ເຊິ່ງກິດຈະກຳຄັ້ງນີ້, ນັກກິລາຈະໄດ້ຮຽນຮູ້ທັກສະການຫລິ້ນບານ, ການຈັບບານໃຫ້ມີຄວາມຄ່ອງແຄ້ວເປັນມືອາຊີບ ເພື່ອກ້າວສູ່ເປັນນັກກິລາທີມຊາດໃນອະນາຄົດ.