ສຶກສາທິການ ແລະ ກິລາແຂວງສາລະວັນຕ້ອງການຄູ 1.066 ຄົນ
ທ່ານ ສີລິສັກ ທະໜອມ ຮັກ ຫົວໜ້າພະແນກສຶກສາ ທິການ ແລະ ກິລາແຂວງສາ ລະວັນ ໄດ້ລາຍງານຕໍ່ກອງ ປະຊຸມສະໃໝສາມັນເທື່ອ ທີ່ 5 ຊຸດທີ 1 ຂອງສະພາປະ ຊາຊົນ ແຂວງວ່າ: ເພື່ອເຮັດ ໃຫ້ທຸກຄົນໄດ້ມີໂອກາດເຂົ້າ ເຖິງການສຶກສາ, ລັດໄດ້ເອົາ ໃຈໃສ່ຂະຫຍາຍຕາໜ່າງ ການສຶກສາເຮັດໃຫ້ຈຳນວນໂຮງຮຽນ, ຫ້ອງຮຽນເພີ່ມ ຂຶ້ນຈຶ່ງຕ້ອງການຄູເພີ່ມຂຶ້ນ. ຜ່ານການສຳຫຼວດໃນສົກ ປີ 2017-2018 ທົ່ວປະເທດ ຍັງຂາດຄູ 19 ພັນຄົນ ຊຶ່ງ ລັດຖະມົນຕີກະຊວງສຶກສາ ທິການ ແລະ ກິລາກໍໄດ້ຊີ້ ແຈ້ງ ໃນສະພາແຫ່ງຊາດ, ສະເພາະແຂວງສາລະວັນ ຍັງມີຄວາມຕ້ອງການຄູ ຕື່ມທັງໝົດ 1.066 ຄົນ, ໃນນັ້ນ, ຍັງຂາດເຂີນຄູຫຼາຍ ແມ່ນຄູອະນຸບານ ແລະ ຄູ ມັດທະຍົມຕອນປາຍ, ແຕ່ ໂກຕາຄູພັດມີໜ້ອຍໃນແຕ່ ລະປີ, ໃນສົກຮຽນ 2014-2015 ຄືນຫຼັງ, ມີຄວາມ ຈຳເປັນຕ້ອງຮັບຄູເຂົ້າເພີ່ມ ເພື່ອບັນຈຸເຂົ້າໃນການສິດ ສອນ ຊຶ່ງມາຮອດປັດຈຸບັນ ນີ້ ມີຄູອາສາສະໜັກ 476 ຄົນ ທີ່ມີອາຍຸການສູງສຸດ 5 ປີ ແລະ ຕ່ຳສຸດ 3 ປີ, ໃນສົກ ຮຽນນີ້ກະຊວງສຶກສາທິ ການໄດ້ແບ່ງຕົວເລກລັດ ຖະກອນຄູ ແລະ ບໍລິຫານ ໃຫ້ແຂວງສາລະວັນຕາມ ແຈ້ງການເລກທີ 527/ ສສກ, ລົງວັນທີ 21 ພຶດ ສະພາ 2018 ມີທັງໝົດ 107 ຕົວເລກ, ໃນນັ້ນ ຄູສອນມີ 82 ຕົວເລກ ຄືເມືອງສາລະວັນ, ເລົ່າ ງາມ, ຕະໂອ້ຍ ແລະ ຕຸ້ມ ລານເມືອງລະ 11 ຕົວເລກ, ເມືອງຄົງເຊໂດນ 10 ຕົວ ເລກ, ເມືອງສະໝ້ວຍ ແລະ ລະຄອນເພັງ ເມືອງລະ 9 ຕົວເລກ, ເມືອງວາປີ 8 ຕົວເລກ, ອ້ອມຂ້າງແຂວງ 2 ຕົວເລກ, ຄູບໍລິຫານ ມີເມືອງເລົ່າງາມ 1 ຕົວ ເລກ, ເມືອງສະໝ້ວຍ 1 ຕົວ ເລກ, ອ້ອມຂ້າງແຂວງ 3 ຕົວເລກ ແລະ ຄູ ECE ມີ 20 ຕົວເລກຄື: ສາລະວັນ 11 ຕົວເລກ, ເລົ່າງາມ 9 ຕົວເລກ.
+ 3 ໂຮງຮຽນເປົ້າໝາຍ ສຳເລັດການຍົກລະດັບການສອນພາສາຍີ່ປຸ່ນ ຊັ້ນມັດທະຍົມສຶກສາ
+ ຍົກລະດັບວຽກງານການສຶກສາໃຫ້ຄູທົ່ວເມືອງໄຊພູທອງ
