ຮອງເຈົ້າແຂວງເຊກອງລົງກວດກາຄວາມເສຍຫາຍໃນຂອບເຂດເທສະບານເມືອງກະລຶມ

ໃນວັນທີ 23 ສິງຫານີ້, ທ່ານ ຖາວອນ ພົມມະໄລລຸນ ຮອງເຈົ້າແຂວເຊກອງ ພ້ອມ ດ້ວຍຄະນະໄດ້ລົງເຄື່ອນ ໄຫວຕິດຕາມກວດກາຜົນ ເສຍຈາກໄພນ້ຳຖ້ວມຢູ່ບ້ານ ວັກໃຕ້ ແລະ ບ້ານວັກເໜືອ ເມືອງກະລຶມ ແຂວງເຊກອງ ໂດຍມີທ່ານ ອໍບົວລາ ອ່ອນມະ ໄລວົງ ຮອງເລຂາພັກເມືອງ ກະລຶມ ພ້ອມດ້ວຍຂະແໜງ ການທີ່ກ່ຽວຂ້ອງເຂົ້າຮ່ວມ.

+ ຮອງເຈົ້າແຂວງຫົວພັນ ລົງກວດກາໂຄງການກໍ່ສ້າງອະນຸສອນສະຖານກອງຮ້ອຍລາດຊະວົງ ທີ່ຖ້ຳແມ

+ ຮອງເຈົ້າແຂວງຫົວພັນຢ້ຽມຢາມຜູ້ລອດຊີວິດໃນຄອບຄົວເບື່ອເຫັດ

ໃນການລົງກວດກາຜົນ ເສຍຫາຍຈາກໄພນໍ້າຖວ້ມ ຂອງທ່ານຮອງເຈົ້າແຂວງ ໃນ ຄັ້ງນີ້ ໄດ້ໄປເບິ່ງຈຸດ ນ້ຳຖ້ວມ ເຂດບ້ານວັກໃຕ້ ແລະ ວັກ ເໜືອທີ່ເຫັນວ່າໄດ້ຮັບຜົນ ເສຍຫາຍຢ່າງຫຼວງຫຼາຍ, ກວດກາເຂດບ້ານຈັດສັນຢູ່ ຊົ່ວຄາວ, ເບິ່ງອາຄານໂຮງ ຮຽນ ແລະ ສະຖານທີ່ຕັ້ງ ອາຄານຊົ່ວຄາວໂຮງຮຽນ ບ້ານວັກເໜືອກວດກາເຂດ ການກໍ່ສ້າງຈັດສັນຍົກຍ້າຍ ບ້ານ ວັກເໜືອ, ບ້ານວັກໃຕ້ ແລະ ກວດກາເຂດອ່າງນ້ຳ ປະປາທີ່ຖຶກຜົນກະທົບຈາກ ດິນເຈື່ອນ ຕາມປ່ອງນ້ຳ ເຂົ້າອ່າງນ້ຳ.

ໃນໂອກາດນີ້, ທ່ານ ຖາວອນ ພົມມະໄລລຸນ ຮອງເຈົ້າແຂວງເຊກອງ ໄດ້ພົບປະໂອ້ລົມອຳນາດ ການປົກຄອງເມືອງ ແລະ ແຂວງ ເຊິ່ງທ່ານໄດ້ເນັ້ນ ໃຫ້ຂະແໜງການທີ່ກ່ຽວ ຂ້ອງພ້ອມກັນເອົາໃຈໃສ່ ເປັນເຈົ້າການປະສານສົມ ທົບກັນຢ່າງລະອຽດເພື່ອ ຟື້ນຟູຂອບເຂດທີ່ໄດ້ຮັບ ຄວາມເສຍຫາຍຢ່າງຮີບ ດ່ວນ ໂດຍສະເພາະແມ່ນ ວຽກງານສາທາລະນະສຸກ ຕ້ອງລົງສຳຫຼວດຊອກຫາ ແຫຼ່ງນ້ຳທີ່ ເໝາະສົມແກ່ ການກໍ່ສ້າງນ້ຳລິນໃນຂອບ ເຂດຈັດສັນຍົກຍ້າຍບ້ານ ດັ່ງກ່າວ ພ້ອມທັງເອົາໃຈໃສ່ ໂຄສະນາເຜິຍແຜ່ການປ້ອງກັນພະຍາດຕ່າງໆທີ່ມັກ ເກີດໃນລະດູນີ້ໃຫ້ປະຊາຊົນຮັບຮູ້ຢ່າງທົ່ວເຖິງ, ດ້ານ ວຽກງານການສຶກສາ ແມ່ນໃຫ້ຮີບຮ້ອນປັບປຸງ ກໍ່ສ້າງອາຄານໂຮງຮຽນ ຊົ່ວຄາວໃຫ້ທ່ວງທັນສົກ ຮຽນໃໝ່ 2018-2019 ນີ້, ວຽກງານໂຍທາ ແລະ ວຽກງານກະສິກຳຕ້ອງ ເອົາໃຈໃສເປັນເຈົ້າການ ຕິດຕາມກວດກາການ ກໍ່ ສ້າງປົວແປງເຂດທີ່ໄດ້ ຮັບຜົນກະທົບ ແລະ ເຂດ ຈັດສັນຍົກຍ້າຍບ້ານທີ່ມີ ຄວາມສ່ຽງໄປຢູ່ຕາມຈຸດທີ່ລັດຖະບານກຳນົດໄວ້ ເປັນຕົ້ນແມ່ນການກໍ່ສ້າງ, ຈັດສັນ, ຍົກຍ້າຍບ້ານວັກ ເໜືອ, ບ້ານວັກໃຕ້, ການ ສ້ອມແປງເສັ້ນ ທາງແຕ່ ເມືອງຫາແຂວງ ແລະ ກະກຽມອຸປະກອນ, ພາ ຫະນະທີ່ຈຳເປັນ ເພື່ອຮັບ ມືກັບໄພທຳມະຊາດທີ່ ອາດຈະເກີດຂຶ້ນໃໝ່ໄດ້ ຢ່າງທັນການ.