ກອງບັນຊາການ ປກສ ເມືອງຫີນເຫີບໄຂກອງປະຊຸມສະຫລຸບວຽກງານປ້ອງກັນຄວາມສະຫງົບ

ໃນວັນທີ 20 ສິງຫາ ຜ່ານມານີ້, ຢູ່ທີ່ສະໂມສອນ ກອງບັນຊາການ ປກສ ເມືອງ ຫີນເຫີບໄຂກອງປະຊຸມ ສະ ຫຼຸບວຽກງານປ້ອງກັນຄວາມສະຫງົບ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2018, ໂດຍ ການເປັນປະທານຂອງ ທ່ານ ພັທ ຄໍາໝັ້ນ ແສນບຸດດີ ຫົວ ໜ້າກອງບັນຊາການ ປກສ ເມືອງຫີນເຫີບ, ເປັນກຽດ ເຂົ້າຮ່ວມໃນພິທີມີທ່ານ ພັທ ຄຳສິງ ສີສຸລິນ ຄະນະປະ ຈຳພັກເມືອງ ຫົວໜ້າກອງ ບັນຊາການທະຫານເມືອງ, ທ່ານ ພັທ ສົມຄິດ ດວງພະຈັນ ຮອງຫົວໜ້າກອງບັນຊາ ການ ປກສ ແຂວງ, ພ້ອມດ້ວຍ ພະນັກງານ-ນັກຮົບພາຍ ໃນກອງບັນຊາການ ປກສ ເມືອງ ຫີນເຫີບ ເຂົ້າຮ່ວມຢ່າງ ພ້ອມພຽງ.

+ ອຸດົມໄຊດຳ​ເນີນກອງປະຊຸມຄົບຄະນະບໍລິຫານງານພັກແຂວງເປີດກວ້າງເຄິ່ງສະໄໝ

+ ກອງປະຊຸມສະໄໝສາມັນເທື່ອທີ 5 ຂອງ ສພຂ ບໍລິຄຳໄຊ

ທ່ານ ພັທ ຫົງຄຳ ວົງພະ ຈັນ ຮອງຫົວໜ້າກອງບັນ ຊາການ ປກສ ເມືອງ ກ່າວວ່າ: 6 ເດືອນຕົ້ນປີຜ່ານມາ ຄະ ນະພັກ-ຄະນະບັນຊາໄດ້ເອົາ ໃຈໃສ່ຊີ້ນຳ-ນຳພາ ພະນັກ ງານ-ນັກຮົບຢູ່ຮາກຖານ, ກຸ່ມບ້ານເພື່ອເຮັດໜ້າທີ່ ເຄື່ອນໄຫວກຳສະພາບການ ໂດຍສຸມໃສ່ຈັດຕັ້ງປະຕິບັດ 4 ຄາດໝາຍ; 4 ແຜນງານ ໃຫຍ່ ແລະ 41 ໂຄງການ ທີ່ ກະຊວງປ້ອງກັນຄວາມສະ ຫງົບວາງອອກໃຫ້ປະກົດຜົນ ເປັນຈິງ, ເພື່ອເຮັດໃຫ້ພື້ນ ທີ່ເມືອງຫີນເຫີບ ມີຄວາມ ສະຫງົບປອດໄພໂດຍພື້ນ ຖານ ກຳເໜ້ນແນວທາງ, ແຜນນະໂຍບາຍກໍ່ຄືຄຳສັ່ງ ຕ່າງໆຂອງພັກວາງອອກ, ໃນການຮັກສາຄວາມສະ ຫງົບທາງດ້ານການເມືອງ ໄວ້ໄດ້ຢ່າງໜັກແໜ້ນ, ເພື່ອ ເຮັດໃຫ້ສັງຄົມມີຄວາມເປັນລະບຽບຮຽບຮ້ອຍໂດຍ ພື້ນຖານ, ເຊິ່ງໃນ 6 ເດືອນ ຕົ້ນປີ ຜ່ານມາໄດ້ເອົາໃຈໃສ່ ສະກັດກັ້ນ ແລະ ຕ້ານປະກົດ ການຫຍໍ້ທໍ້, ຕ່າງໆໃນສັງ ຄົມໃຫ້ຫລຸດໜ້ອຍຖອຍ ລົງເປັນກ້າວໆ.

ພ້ອມນັ້ນຍັງໄດ້ແກ້ໄຂ ຊີວິດການເປັນຢູ່ຂອງກຳລັງປ້ອງກັນຄວາມສະຫງົບ ອີງຕາມທິດເພີ່ງຕົນເອງ, ກຸ້ມຕົນເອງ ສ້າງຄວາມເຂັ້ມ ແຂງດ້ວຍຕົນເອງ, ດ້ວຍກະ ຕຸກຊຸກຍູ້ໃຫ້ພະນັກງານນັກຮົບເອົາໃຈໃສ່ປະກອບສ່ວນ ຢ່າງຕັ້ງໜ້າເຂົ້າໃນການ ສ້າງເສດຖະກິດຂອງກົມ ກອງຕາມເງື່ອນໄຂຕົວຈິງ ພ້ອມນັ້ນໄດ້ວາງທິດທາງ 6 ເດືອນທ້າຍປີ 2018 ໂດຍ ສຸມໃສ່ຈັດຕັ້ງປະຕິບັດ 4 ຄາດໝາຍ; 4 ແຜນງານ ໃຫຍ່ ແລະ 41 ໂຄງການ ທີ່ກະຊວງປ້ອງກັນຄວາມ ສະຫງົບວາງອອກໃຫ້ສຳ ເລັດ ຜົນຕາມຄາດໝາຍ ທີ່ວາງໄວ້.
ກອງປະຊຸມຍັງໄດ້ຮັບຟັງປະກອບຄຳຄິດຄຳເຫັນຂອງພະນັກງານນັກຮົບທີ່ ເຂົ້າຮ່ວມ ບົດສະຫຼຸບຢ່າງ ກົງໄປກົງມາແບບວິທະ ຍາສາດ ເພື່ອໃຫ້ມີເນື້ອ ໃນສົມບູນຄົບຖ້ວນຂຶ້ນຕື່ມ ແລະ ໃນໂອກາດດຽວກັນ ນີ້, ຍັງໄດ້ປະກາດເລື່ອນຊັ້ນ ໃຫ້ນາຍ ແລະ ພົນຕຳຫຼວດ ຈຳນວນ 8 ສະຫາຍ.

ຕອນທ້າຍພິທີທ່ານ ພັທ ສົມຄິດ ດວງພະຈັນ ຮອງຫົວໜ້າກອງບັນຊາ ການ ປກສ ແຂວງ ຍັງໄດ້ ໃຫ້ກຽດຂຶ້ນໂອ້ລົມພະນັກ ງານ-ນັກຮົບຢ່າງມີເນື້ອ ໃນຄວາມໝາຍເລິກ ເຊິ່ງ ແລະ ໄດ້ຮຽກຮ້ອງໃຫ້ຄະ ນະພັກ-ຄະນະບັນຊາກອງບັນຊາການ ປກສ ເມືອງ ຫີນເຫີບຈົ່ງເອົາໃຈໃສ່ຕໍ່ ວຽກງານສຶກສາອົບຮົມ ການເມືອງນຳພາແນວຄິດໃຫ້ແກ່ພະນັກງານ-ນັກຮົບໃຫ້ເປັນປົກກະຕິ, ສ້າງແບບ ແຜນວິທີນຳພາ-ບັນຊາ, ແບບແຜນວິທີເຮັດວຽກ ໃຫ້ທັນສະໄໝຂື້ນກວ່າ ເກົ່າພ້ອມທັງຮຽກຮ້ອງ ໃຫ້ພະນັກງານ-ນັກຮົບ ທີ່ໄດ້ຮັບການເລຶ່ອນຊັ້ນ ໃໝ່ ຈົ່ງຍົກສູງຄວາມຮັບ ຜິດຊອບຕໍ່ໜ້າທີ່ວຽກ ງານຂອງຕົນໃຫ້ຫຼາຍຂຶ້ນ ກວ່າເກົ່າ./.