ໂອກາດຕົກຮອບສູງທີມຊາດ U 23 ລາວ

ໃນວັນທີ 17 ສິງຫາ 2018 ທີມຊາດລາວ U 23 ມີໂອກາດຕົກຮອບສູງ ຫລັງລົງສະໜາມຄັ້ງທີ 3 ເສຍໃຫ້ ເຈົ້າພາບ 3-0  ງານມະຫາກໍາກິລາ ເອຊຽນເກມ  ຄັ້ງທີ 18 ທີ່ປະເທດອິນໂດເນເຊຍ ຈັດຂຶ້ນລະຫວ່າງວັນທີ 10 ສິງຫາ – 1 ກັນຍາ.

ທີມຊາດລາວ ຢູ່ຮ່ວມກຸ່ມ ເອ ຮ່ວມກັບ ອິນໂດເນເຊຍ ເຈົ້າພາບ, ຮົງກົງ, ໄຕ້ຫວັນ ແລະ ປາແລັສຕິນ. ທີມຊາດລົງສະໜາມຄັ້ງທໍາອິດເສຍໃຫ້ ຮົງກົງ 3-1 ໃນວັນທີ 10 ສິງຫາ 2018. ສ່ວນຄັ້ງທີ 2 ເສຍໃຫ້ ປາແລັສຕິນ 2-1 ແລະ ຄັ້ງທີ 3 ເສຍໃຫ້ເຈົ້າພາບ ອິນໂດເນເຊຍ 3-0.

ສໍາລັບຕາຕະລາງການແຂ່ງຂັນຂອງທີມຊາດລາວ ຍັງອີກ 1 ຄັ້ງຄື: ວັນທີ 20 ສິງຫາ 2018 ເວລາ 19:00 ໂມງ ​ໄຕ້ຫວັນ ພົບ ລາວ ແຂ່ງຂັນຢູ່ທີ່ສະໜາມ PAKANSARI, Bogor Stadium.