ກອງປະຊຸມສະໄໝສາມັນເທື່ອທີ 5 ຂອງ ສພຂ ບໍລິຄຳໄຊ

ກອງປະຊຸມສະໄໝສາ ມັນເທື່ອທີ 5 ຂອງສະພາ ປະ ຊາຊົນແຂວງ (ສພຂ) ບໍລິ ຄຳໄຊ ຊຸດທີ I ໄດ້ໄຂຂຶ້ນ ໃນ ວັນ ທີ 15-17 ສິງຫານີ້,ໂດຍ ການເປັນປະທານຂອງທ່ານ ສຸວັນນີ ໄຊຊະນະ ປະທານສະ ພາປະຊາຊົນແຂວງ; ເປັນ ກຽດເຂົ້າຮ່ວມມີທ່ານນາງ ສີໃສ ລືເດດມູນສອນ ກຳມະ ການສູນກາງພັກ, ຮອງປະ ທານສະພາແຫ່ງຊາດ, ມີທ່ານ ກອງແກ້ວ ໄຊສົງຄາມ ເລຂາ ພັກແຂວງ-ເຈົ້າແຂວງບໍລິ ຄຳໄຊ, ບັນດາທ່ານການນຳ ຂອງແຂວງ, ພະນັກງານ ອາວຸໂສບຳນານ, ອະດີດສະ ມາຊິກສະພາແຫ່ງຊາດປະ ຈຳເຂດເລືອກຕັ້ງ, ບັນດາ ທ່ານສະມາຊິກສະພາແຫ່ງ ຊາດປະຈຳເຂດເລືອກຕັ້ງທີ 11 ແຂວງບໍລິຄຳໄຊ, ສະ ມາຊິກສະພາປະຊາຊົນ ແຂວງ, ຕາງໜ້າອົງການຈັດ ຕັ້ງພັກ-ລັດ, ອົງການຈັດຕັ້ງ ແນວລາວສ້າງຊາດ, ອົງ ການຈັດຕັ້ງມະຫາຊົນ, ຄະນະກວດສອບແຫ່ງລັດ ປະຈຳພາກກາງ, ບັນດາ ວິສາຫະກິດ ທັງພາກລັດ ແລະ ເອກະຊົນພ້ອມດ້ວຍ ແຂກຖືກເຊີນເຂົ້າຮ່ວມຈຳ ນວນຫລາຍ.

+ ກອງປະຊຸມລັດຖະມົນຕີຕ່າງປະເທດຂອບການຮ່ວມມືແມ່ນ້ຳຂອງ-ແມ່ນ້ຳຄົງຄາຄັ້ງທີ 9

+ ກອງປະຊຸມລັດຖະມົນຕີຕ່າງປະເທດອາຊຽນ ຄັ້ງທີ 51 ໄຂຂຶ້ນຢູ່ສິງກະໂປ

ກອງປະຊຸມຄັ້ງນີ້ ຈະໄດ້ ສຸມໃສ່ຄົ້ນຄວ້າພິຈາລະນາ, ຮັບຮອງເອົາບັນຫາສຳຄັນ ຕ່າງໆ ຄື: 1. ຮັບຟັງການ ລາຍງານຂອງທ່ານເຈົ້າ ແຂວງ ກ່ຽວກັບວຽກພົ້ນ ເດັ່ນທີ່ແຂວງໄດ້ຈັດຕັ້ງປະ ຕິບັດໃນໄລຍະ 6 ເດືອນ ຜ່ານມາ ແລະ ວຽກງານ ຈຸດສຸມທີ່ເປັນບຸລິມະສິດ ໃນ 6 ເດືອນໃນຕໍ່ໜ້າ; 2. ພິ ຈາລະນາ, ຮັບຮອງເອົາບົດ ລາຍງານການຈັດຕັ້ງປະ ຕິບັດແຜນພັດທະນາເສດ ຖະກິດ-ສັງຄົມ 6 ເດືອນຕົ້ນ ປີ ແລະ ທິດທາງແຜນການ 6 ເດືອນ ທ້າຍປີ 2018; ພິຈາລະນາ, ຮັບຮອງເອົາ ບົດລາຍງານການຈັດຕັ້ງ ປະຕິບັດແຜນງົບປະມານ 6 ເດືອນຕົ້ນປີ ແລະ ແຜນການ 6 ເດືອນທ້າຍປີ 2018; 3. ຮັບຟັງລາຍງານການ ຈັດຕັ້ງປະຕິບັດວຽກງານ ພັດທະນາຊົນນະບົດ ແລະ ລຶບລ້າງຄວາມທຸກຍາກຕິດ ພັນກັບວຽກງານ 3 ສ້າງ ໃນໄລຍະຜ່ານມາ ແລະ ວຽກ ງານຈຸດສຸມໃນຕໍ່ໜ້າ; 4. ຮັບຟັງ ລາຍງານວຽກງານ ຕິດຕາມກວດກາການຄຸ້ມ ຄອງການນໍາໃຊ້ສານເຄມີ ທີ່ມີຄວາມອັນຕະລາຍເກີນ ຄ່າມາດຕະຖານສົ່ງຜົນກະ ທົບຕໍ່ສິ່ງແວດລ້ອມ, ສັງຄົມ ແລະ ທໍາມະຊາດ ແລະ ວຽກ ງານຈຸດສຸມໃນຕໍ່ໜ້າ; 5. ຮັບຟັງ ລາຍງານຂອງຫົວ ໜ້າອົງການໄອຍະການປະ ຊາຊົນແຂວງກ່ຽວກັບການຕິດຕາມກວດກາ ແລະ ຊຸກ ຍູ້ການຈັດຕັ້ງປະຕິບັດຄໍາ ຕັດສິນຂອງສານທີ່ໃຊ້ໄດ້ ເດັດຂາດທີ່ພົບຄວາມຫຍຸ້ງ ຍາກໃນໄລຍະຜ່ານມາ ແລະ ທິດທາງແຜນການແກ້ໄຂ ໃນຕໍ່ໜ້າ; 6. ຮັບຟັງ ລາຍ ງານຂອງປະທານສານປະ ຊາຊົນແຂວງ ກ່ຽວກັບການ ເກັບກໍາຂໍ້ມູນ ແລະ ການ ປະສານສົມທົບກັບພາກ ສ່ວນກ່ຽວຂ້ອງກ່ອນການ ຕັດ ສິນໃນການດໍາເນີນຄະ ດີແພ່ງ ເພື່ອເຮັດໃຫ້ການ ພິຈາລະນາຄະດີຂອງສານ ຮອບດ້ານ, ຄົບຖ້ວນ ແລະ ພາວະວິໄສໃນໄລຍະຜ່ານ ມາ ແລະ ທິດທາງແຜນ ການໃນຕໍ່ໜ້າ; 7. ພິຈາ ລະນາ, ຮັບຮອງເອົາບົດ ລາຍງານຂອງຄະນະປະ ຈຳສະພາ ປະຊາຊົນແຂວງ ກ່ຽວກັບການຈັດຕັ້ງ ປະຕິບັດແຜນການເຄື່ອນ ໄຫວວຽກງານແຕ່ກອງ ປະຊຸມສະໄໝ ສາມັນເທື່ອ ທີ 4 ຫາເທື່ອທີ 5 ແລະ ທິດທາງແຜນການກອງ ປະຊຸມສະໄໝ ສາມັນເທື່ອ ທີ 5 ຫາເທື່ອທີ 6 ຂອງ ສະພາປະຊາຊົນ ແຂວງ ບໍລິຄຳໄຊ; 8. ພິຈາລະນາ, ຮັບຮອງເອົານິ ຕິກໍາວ່າ ດ້ວຍການມີສ່ວນຮ່ວມ ຂອງສັງຄົມໃນວຽກງານການສຶກສາ ແລະ ນິຕິກໍາ ວ່າດ້ວຍລະບຽບເຂດຊົດ ເຊີຍຊີວະນາໆພັນນໍ້າ ຈວນ-ນໍ້າຊັ່ງ. ພ້ອມນີ້, ກອງປະຊຸມຍັງຈະໄດ້ຮັບ ຟັງລາຍງານ, ຊີ້ແຈງຂອງ ບັນດາພະແນກການຈຳ ນວນໜຶ່ງຕາມຄຳສະເໜີ ຂອງປະຊາຊົນ ແລະ ຄຳ ຊັກຖາມຂອງສະມາຊິກ ສະພາປະຊາຊົນແຂວງ, ພ້ອມທັງເປີດກວ້າງການ ປະກອບຄຳຄິດຄຳເຫັນ, ຄໍາສະເໜີຂອງປະຊາຊົນ ບັນດາເຜົ່າມາສູ່ກອງປະຊຸມຜ່ານໂທລະສັບສາຍ ດ່ວນໝາຍເລກ 054156 ໂດຍບໍ່ເສຍຄ່າ.