ກາແດງຫລວງພະບາງສືບຕໍ່ນຳເອົາເຄື່ອງຊ່ວຍໄປໃຫ້ຜູ້ປະສົບໄພ ຢູ່ເມືອງສະໜາມໄຊ

ເມື່ອບໍ່ດົນມານີ້, ທ່ານ ຮອງຫົວໜ້າຫ້ອງການກາ ແດງ ແຂວງຫຼວງພະບາງ ພ້ອມຄະນະ ແລະ ອາສາສະໜັກໄດ້ນຳເອົາເຄື່ອງຊ່ວຍ ເຫຼືອຕ່າງໆ ໄປມອບໃຫ້ຫ້ອງວ່າການປົກຄອງແຂວງອັດ ຕະປື, ເພື່ອນໍາໄປບັນເທົ່າທຸກ ແກ່ ປະຊາຊົນທີ່ປະສົບໄພນໍ້າ ຖ້ວມ ຢູ່ເມືອງສະໜາມໄຊ ຈາກເຂື່ອນເຊປຽນ-ເຊນ້ຳ ນ້ອຍທະລຸໄຫລລົງຖ້ວມ ບ້ານ ເຮືອນ, ຖະໜົນຫົນທາງ, ພື້ນຖານໂຄງລ່າງ, ໂຮງຮຽນ, ໂຮງໝໍ, ພື້ນທີ່ທໍາການຜະ ລິດຕະຫຼອດຮອດຊີວິດ ແລະ ຊັບສິນຕ່າງໆເສຍຫາຍຢ່າງ ຫຼວງຫຼາຍ, ຊຶ່ງເຄື່ອງຊ່ວຍ ເຫຼືອຄັ້ງນີ້ປະກອບມີ: ອາ ຫານແຫ້ງ, ນໍ້າດື່ມ, ເຄື່ອງ ນຸ່ງຫົ່ມ ແລະ ເຄື່ອງໃຊ້ໃນ ຊີວິດປະຈໍາວັນລວມມີມູນຄ່າ ທັງໜົດເກືອບ 80 ລ້ານກີບ, ໂດຍສະເພາະແມ່ນໄດ້ມາ ຈາກການສະໜັບສະໜູນ ຂອງ ບໍລິສັດ ຊໍ ການຊ່າງ ແລະ ພັດທະນາໂຄງການ ໄຟຟ້າໄຊຍະບູລີ ພາວເວີ ແລະ ຫ້າງຮ້ານ ຕ່າງໆພາຍ ໃນນະຄອນຫຼວງພະບາງ, ເພື່ອເປັນການແບ່ງເບົາ ຫຍຸ້ງຍາກລໍາບາກດັ່ງກ່າວ ໃຫ້ຜ່ານພົ້ນໄປໂດຍໄວ.

+ ອົງການກາແດງລາວລົງຊ່ວຍຜະລິດນ້ຳສະອາດໃຫ້ຜູ້ປະສົບໄພເມືອງສະໜາມໄຊ

+ ອົງການກາແດງລາວລົງມອບເຄື່ອງຊ່ວຍເຫຼືອຜູ້ປະສົບໄພຢູ່ແຂວງອັດຕະປື