ໄຊຍະບູລີ ສຸມໃສ່ແກ້ໄຂຄະດີຢາເສບຕິດ ແລະ ປະກົດການຫຍໍ້ທໍ້

ໄລຍະ 6 ເດືອນຕົ້ນປີນີ້, ເຈົ້າໜ້າທີ່ປ້ອງກັນຄວາມສະຫງົບ ແຂວງໄຊຍະບູລີ ໄດ້ສຸມ ໃສ່ແກ້ໄຂບັນຫາຢາເສບຕິດ ທີ່ກໍ່ໃຫ້ເກີດມີບັນຫາປະກົດ ການຫຍໍ້ທໍ້ຕ່າງໆໃນສັງຄົມ ເຊິ່ງສາມາດ ກັກຕົວຜູ້ກະ ທຳຜິດ 88 ຄົນ, ຍິງ 16 ຄົນ, ຢຶດຂອງກາງ ປະເພດຢາ ບ້າໄດ້ 73.424 ເມັດ, ເງິນ ກີບຈໍານວນ 239 ລ້ານ ກວ່າ ກີບ, ເງິນບາດ 88.880 ບາດ, ຄຳຮູບປະພັນ 25 ບາດ, ລົດຈັກ 12 ຄັນ, ໂທ ລະສັບມືຖື 56 ໜ່ວຍ, ລົດ ໃຫຍ່ 7 ຄັນ, ປືນ 18 ກະ ບອກ ແລະ ອຸປະກອນອື່ນໆ ອີກ ຈຳນວນໜຶ່ງ, ໃນນີ້ໄດ້ ສະຫລຸບຄະດີ ສົ່ງໃຫ້ອົງ ການໄອຍະການປະຊາຊົນ ແຂວງຈຳນວນ 35 ເລື່ອງ, ມີຜູ້ຖືກຫາ 7 ຄົນ.

+ ແຂວງອຸດົມໄຊຈູດທຳລາຍຢາເສບຕິດຈຳນວນຫລາຍ

+ ຫລາຍທ້ອງຖິ່ນທຳລາຍຢາເສບຕິດ ໃນວັນສາກົນຕ້ານຢາເສບຕິດ

ທ່ານ ພັອ ຄຳແພງເພັດ ຫົວໜ້າກອງບັນຊາການ ປ້ອງກັນຄວາມສະຫງົບ ແຂວງ ໄຊຍະບູລີ ໃຫ້ຮູ້ວ່າ: ສາເຫດ ທີ່ພາໃຫ້ມີການ ແຜ່ລະບາດຂອງຢາເສບ ຕິດນັ້ນ ຍ້ອນ ແຂວງມີຊາຍ ແດນຕິດຈອດ ກັບປະເທດ ເພື່ອນບ້ານ ແລະ ຕິດກັບ ຫລາຍແຂວງອັນເປັນ ເງື່ອນໄຂ ໃຫ້ກຸ່ມຄົນບໍ່ດີ ສວຍໃຊ້ລວມທັງວຽກ ງານກໍ່ສ້າງຮາກຖານການ ເມືອງຕິດພັນກັບການ ສ້າງ ບ້ານ, ຄອບຄົວປ້ອງກັນ ຄວາມສະຫງົບດີ ແລະ ບ້ານ ປອດຢາເສບຕິດຍັງ ບໍ່ທັນ ແຂງແຮງ, ສະຕິຄວາມ ເປັນເຈົ້າຂອງພະນັກງານ ທຸກ ພາກສ່ວນ, ນັກຮຽນ, ນັກສືກ ສາ ແລະ ປະຊາຊົນ ຈຳນວນ ໜຶ່ງ ຍັງບໍ່ທັນສູງ, ການກຳ ແໜ້ນ ແນວທາງນະໂຍບາຍ ຂອງພັກ, ລະບຽບກົດໝາຍ ຂອງ ລັດ ແລະ ຄຳສັ່ງຕ່າງໆ ຍັງບໍ່ທັນເລິກເຊິ່ງ. ເຊິ່ງຕໍ່ສະ ພາບ ດັ່ງກ່າວກອງບັນຊາ ການ ປກສ ແຂວງ ຈະສືບຕໍ່ ເພີ່ມທະວີການພົວພັນຮ່ວມ ມືກັບປະເທດໃກ້ຄຽງ ແລະ ບັນດາ ແຂວງອ້ອມຂ້າງ, ກວດກາ, ຕິດຕາມ, ຂຶ້ນບັນ ຊີ ຄຸ້ມຄອງເປົ້າໝາຍຢາເສບ ຕິດ ເພື່ອແກ້ໄຂຕາມລະບຽບ ກົດໝາຍ, ຫັນເອົາພະນັກ ງານລົງກໍ່ສ້າງຮາກຖານ ການເມືອງ, ໃຫ້ແຂງແຮງ ກວ່າເກົ່າຕິດພັນກັບວຽກ ງານ 3 ສ້າງ ແລະ ພັດທະ ນາຊົນນະບົດຮອບດ້ານ ໃຫ້ມີຄວາມໜັກແໜ້ນ ເຂັ້ມແຂງ.