ກະຊວງສຶກສາ ແລະ ບໍລິສັດ ບິດ ມິເດຍ ສືບຕໍ່ໂຄງການປັບປຸງລະບົບການຮຽນການສອນແບບອີເລັກໂຕຣນິກ

ເມື່ອບໍ່ດົນມານີ້, ທີ່ນະ ຄອນຫຼວງວຽງຈັນ, ທ່ານ ນາງ ແສງເດືອນຫຼ້າຈັນ ທະບູນລັດຖະມົນຕີກະຊວງ ສຶກສາທິການ ແລະ ກິລາ ໄດ້ໃຫ້ກຽດຕ້ອນຮັບການ ເຂົ້າຢ້ຽມຄໍານັບຂອງທ່ານ ສະເຕຟັນດູດຫົວໜ້າພະ ແນກພົວພັນຕ່າງປະເທດ ບໍລິສັດບິດມິເດຍ ປະເທດ ໂອຕຣິດ, ເພື່ອປຶກສາຫາລື ການສືບຕໍ່ຈັດຕັ້ງປະຕິບັດ ໂຄງການປັບປຸງລະບົບການຮຽນ-ການສອນແບບອີເລັກໂຕຣນິກ, ເພື່ອສ້າງຂີດຄວາມ ສາມາດສະເພາະດ້ານກ່ຽວກັບການນໍາໃຊ້ໄອຊີທີສໍາລັບການສຶກສາ ໂດຍສະເພາະ ແມ່ນການເຝິກອົບຮົມໃຫ້ ພະນັກງານ, ຄູ-ອາຈານ ທີ່ ຢູ່ໃນກຸ່ມເປົ້າໝາຍໃຫ້ສໍາ ເລັດຕາມແຜນ, ທົດລອງ ການ ນໍາໃຊ້ຊອຟແວ ຢູ່ສູນ ກາງ ແລະ ຢູ່ໂຮງຮຽນເປົ້າ ໝາຍຕ່າງໆ ພ້ອມສຶກສາ ຄວາມເປັນໄປໄດ້ໃນການ ຂະຫຍາຍໂຄງການອອກໄປໃຫ້ກວ້າງຂວາງ.

+ ຮອງລັດຖະມົນຕີກະຊວງສຶກສາ ເນັ້ນໃຫ້ຕົວແທນນັກຮຽນລາວຕັ້ງໃຈເຮັດສຸດຄວາມສາມາດ ໃນການແຂ່ງຂັນໄມໂຄຣຊ໋ອຟອ໋ອຟຟີຊລະດັບໂລກ

+ ຍົກລະດັບຄວາມຮູ້ດ້ານໄອຊີທີໃຫ້ນັກສຶກສາລາວ

ຝ່າຍລາວລາຍງານໃຫ້ຮູ້ວ່າ: ມາຮອດປັດຈຸບັນ ການຈັດຕັ້ງປະຕິບັດໂຄງ ການດັ່ງກ່າວມີຄວາມຄືບ ໜ້າດີ ເປັນຕົ້ນແມ່ນໄດ້ສໍາ ເລັດໂດຍພື້ນຖານສໍາລັບການ ພັດທະນາຊອຟແວ, ຫຼັກສູດ ມາດຕະຖານໄອຊີທີ ແມ່ນ ສໍາເລັດການກວດແກ້ການ ແປຈາກພາສາອັງກິດມາ ເປັນພາສາລາວ, (ປັດຈຸບັນ ຢູ່ໃນ ຂັ້ນຕອນອັດສຽງ), ສໍາເລັດການເຝິກອົບຮົມສະ ເພາະດ້ານ 15 ຄົນທີ່ປະເທດ ໂອຕຣິດ ແລະ ຈະເລີ່ມຈັດ ຢູ່ ລາວຕື່ມອີກຄື: ງວດທໍາ ອິດຈະຈັດຂຶ້ນລະຫວ່າງວັນ ທີ 18-24 ກັນຍານີ້, ທີ່ສູນ ໄອຊີທີ ແຂວງສະຫວັນນະ ເຂດ, ສໍາລັບການສະໜອງ ອຸປະກອນໄອຊີທີງວດທໍາ ອິດມີ 17 ລາຍການໃນຈໍາ ນວນ 50 ລາຍການ ແລະ ພ້ອມສຸມໃສ່ປັບປຸງຫ້ອງຜະ ລິດສື່ການຮຽນ-ການສອນ ແບບອີເລັກໂຕຣນິກ ເຊິ່ງ ຈະສໍາເລັດໃນຕົ້ນເດືອນ ສິງຫານີ້.

ໂຄງການດັ່ງກ່າວນີ້ ໄດ້ ເລີ່ມສຶກສາຄວາມເປັນໄປ ໄດ້ ໃນກາງປີ 2016 ໂດຍ ການຮ່ວມມືກັບທີມງານວິ ຊາການ ບໍລິສັດ ບິດ ມິເດຍ ປະເທດໂອຕຣິດ ແລະ ມາ ຮອດທ້ານເດືອນ ພຶດສະພາ 2017 ກະຊວງສຶກສາທິ ການ ແລະກິລາ ໄດ້ເຊັນສັນ ຍາຮ່ວມມືກັບ ບໍລິສັດດັ່ງ ກ່າວ ເພື່ອປັບປຸງລະບົບການ ຮຽນ-ການສອນແບບອີເລັກໂຕຣນິກ ເປັນຕົ້ນແມ່ນພັດທະ ນາ ລະບົບ ແລະ ເຄື່ອງມືຜະ ລິດສື່ການຮຽນ-ການສອນ, ປັບປຸງເຄືອຂ່າຍ ແລະ ຖານ ຂໍ້ມູນ, ສະໜອງອຸປະກອນ ໄອຊີທີທີ່ຈໍາເປັນ ແລະ ສ້າງ ຂີດຄວາມສາມາດສະເພາະດ້ານກ່ຽວກັບການນໍາໃຊ້ ໄອ ຊີທີສໍາລັບການສຶກສາ.