ຢູ 16 ລາວ ລົງສະໜາມຄັ້ງທໍາອິດ ເອົາຊະນະ ບຣູໄນ 3-2

ນັກ​ກິລາ​ທີ​ມຊາດ​ລາວ ຮຸ່ນ​ອາຍຸ​ບໍ່​ເກີນ 16 ປີ ຫລື ຢູ 16 ລົງ​ສະໜາມ​ຄັ້ງ​ທໍາ​ອິດ ສາ​ມາດ​ເອົາ​ຊະນະ​ ທີ​ມຊາດ​ບຣູ​ໄນ 3-2 ​ໃນ​ວັນ​ທີ 30 ກໍລະກົດຜ່ານ​ມາ ຂອງການແຂ່ງຂັນບານເຕະຊາຍຊີງແຊ້ມອາຊຽນ ຮຸ່ນອາຍຸ 16 ປີ ຫລື AFF U16 CHAMPIONSHIP 2018.

ການແຂ່ງຂັນບານເຕະຊາຍຊີງແຊ້ມອາຊຽນ ຮຸ່ນອາຍຸ 16 ປີ ຫລື AFF U16 CHAMPIONSHIP 2018 ມີ ທີມເຂົ້າຮ່ວມທັງຫມົດ 11 ປະເທດ ແບ່ງອອກເປັນ 2 ກຸ່ມຄື: ກຸ່ມ ເອ ປະກອບ​ມີ: ຫວຽດນາມ, ມຽນມາ, ກຳປູເຈຍ, ອິນໂດເນເຊຍ, ຕີມໍ ເລສເຕ ແລະ ຟີລິບປິນ. ສ່ວນກຸ່ມ ບີ ປະກອບ​ມີ: ໄທ, ມາເລເຊຍ, ລາວ, ບຣູໄນ ແລະ ສິງກະໂປ.

ສ່ວນຕາຕະລາງການແຂ່ງຂັນ ທີມຊາດລາວ ຈະ​ລົງ​ສະໜາມ​ໃນວັນທີ 1 ສິງຫາ ເວລາ 18:30 ​ໂມງ ພົບ ສິງກະໂປ ແຂ່ງຂັນຢູ່ສະໜາ​ມ JOKO SAMUDRO STADIUM, ວັນທີ 5 ສິງຫາ ເວລາ 18:30 ​ໂມງ ພົບ ໄທ ແຂ່ງຂັນຢູ່ສະໜາມ JOKO SAMUDRO STADIUM,  ວັນທີ 7 ສິງຫາ ເວລາ 15:00 ​ໂມງ ພົບ ມາເລເຊຍ ແຂ່ງຂັນຢູ່ສະໜາມ JOKO SAMUDRO STADIUM.