ເອເອັຟຊີ ປະກາດເລື່ອນຈັບ ສະຫລາກແບ່ງສາຍຄືນໃໝ່
July 24, 2018 - 4:03 PM
ການແຂ່ງຂັນກິລາເອຊຽນເກມ 2018 ທີ່ປະເທດອິນໂດເນເຊຍ ເຊິ່ງຈະຈັດຂຶ້ນລະຫວ່າງ 14 ສິງຫາ ຫາ 1 ກັນຍາ 2018 ເຊິ່ງໃນເບື້ອງຕົ້ນທີມຊາດລາວຢູ່ຮ່ວມກັບສາຍເຈົ້າພາບ, ຮົງກົງ ແລະ ໄຕ້ຫວັນ.
ຫລ້າສຸດສະຫະພັນອາຊີ (ເອເອັຟຊີ) ໄດ້ອອກມາຊີ້ແຈ້ງໃຫ້ຮູ້ວ່າ: ຈະມີການຈັບສະຫລາກແບ່ງສາຍຄືນໃໝ່ ຍ້ອນວ່າຍັງມີ 2 ປະເທດຄື: ສະຫະລັດອາຣັບເອມີເຣດ ກັບ ປາເລັສຕິນ ຖືກຕັດຊື່ອອກຈາກການຈັບສະຫລາກໃນຄັ້ງຜ່ານມາ. ດັ່ງນັ້ນ ເອເອັຟຊີ ຈຶ່ງແຈ້ງການຈັບສະຫລາກຄືນໃໝ່ ຈາກ 24 ທີມ ຂຶ້ນມາເປັນ 26 ທີມ.
ສໍາລັບການຈັບສະຫລາກຄັ້ງໃໝ່ຈະຈັດຂຶ້ນໃນວັນທີ 25 ກໍລະກົດນີ້ ເຊິ່ງໃນຕອນທໍາອິດຈະຈັບສະຫລາກໃນວັນທີ 20 ກໍລະກົດຜ່ານມານີ້ ຈຶ່ງຈໍາເປັນເລື່ອນມາຈັບສະຫລາກໃນຕອນເຊົ້າມື້ນີ້.
