ສະຫາຍ ແສງນວນ ໄຊຍະລາດ ຮອງປະທານສະພາແຫ່ງຊາດສືບຕໍ່ຢ້ຽມຢາມ ແລະ ເຮັດວຽກຢູ່ ສສ. ຫວຽດນາມ

(ສພຊ) ຕອນເຊົ້າວັນທີ 18 ກໍລະກົດ 2018 ທີ່ນະ ຄອນຫລວງຮ່າໂນ້ຍ ສສ. ຫວຽດນາມ, ສະຫາຍ ແສງ ນວນ ໄຊຍະລາດ ເລຂາທິ ການສູນກາງພັກ, ຮອງປະ ທານສະພາແຫ່ງຊາດແຫ່ງ ສປປລາວ ພ້ອມດ້ວຍຄະນະ ໄດ້ເຂົ້າຢ້ຽມຂໍ່ານັບ ສະຫາຍ ເຈີນ ດາຍ ກວາງ ກໍາມະການ ກົມການເມືອງກອມມູນິດ ຫວຽດນາມ, ປະທານປະເທດ ແຫ່ງ ສສ.ຫວຽດນາມ, ໃນ ໂອກາດທີ່ເດີນທາງມາຢ້ຽມ ຢາມ ແລະ ເຮັດວຽກຢູ່ ສສ. ຫວຽດນາມລະຫວ່າງວັນທີ 16-20 ກໍລະກົດ 2018.

+ ລັດຖະມົນຕີຕ່າງປະເທດຍີ່ປຸ່ນຢ້ຽມຢາມ ມາເລເຊຍເພີ່ມການຮ່ວມມືພື້ນຖານ

+ ສະຫາຍ​ເລຂາທິການ​ໃຫຍ່ປະທານ​ປະ​ເທດ ບຸນຍັງ ວໍລະຈິດ ພ້ອມດ້ວຍພັນລະຍາ ຢ້ຽມຢາມ ສສ.ຫວຽດນາມ

ໃນການພົບປະ ແລະ ຢ້ຽມຢາມຄັ້ງນີ້, ທັງສອງ ຝ່າຍກໍໄດ້ແລກປ່ຽນບົດຮຽນ ນໍາກັນກ່ຽວກັບການຮ່ວມມື ແລະ ເຄື່ອນໄຫວວຽກງານ ຕ່າງປະເທດຂອງສະພາ ແຫ່ງຊາດໃນເວທີພາກພື້ນ ແລະ ສາກົນ. ສະຫາຍ ຮອງ ປະທານສະພາແຫ່ງຊາດຍັງ ໄດ້ສະແດງຄວາມ ຮູ້ບຸນຄຸນ ແລະ ຄວາມຂອບໃຈອັນໝົດ ຈິດໝົດໃຈ ຕໍ່ການຊ່ວຍເຫລືອ ອັນລໍ້າຄ່າຂອງພັກ ແລະ ລັດ ຖະບານ ຫວຽດນາມ ໃຫ້ແກ່ ພັກ, ລັດຖະບານ ແລະ ປະຊາ ຊົນລາວ ຕະຫລອດມາ, ໂດຍ ສະເພາະແມ່ນໂຄງການກໍ່ ສ້າງຫໍສະພາແຫ່ງຊາດລາວ ຫລັງໃໝ່ ແລະ ການຊ່ວຍ ເຫລືອຂອງສະພາປະຊາຊົນ ນະຄອນໂຮ່ຈີມິງ ດ້ານທຶນ ຮອນ ແລະ ວິຊາການສໍາລັບ ຈັດສໍາມະນາ ເພື່ອສ້າງຄວາມ ເຂັ້ມແຂງໃຫ້ສະມາຊິກສະ ພາແຫ່ງຊາດ ແລະ ສະມາຊິກ ສະພາປະຊາຊົນ ຂັ້ນແຂວງ ຂອງ ສປປລາວ ແລະ ອື່ນໆ ເຊິ່ງເປັນການປະກອບສ່ວນ ອັນໃຫຍ່ຫລວງໃຫ້ແກ່ການ ເສີມຂະຫຍາຍມູນເຊື້ອ ຄວາມ ສາມະຄີພິເສດ ແລະ ການ ຮ່ວມມືຮອບດ້ານລະຫວ່າງ ສອງພັກສອງລັດ ແລະ ປະຊາ ຊົນສອງຊາດ ລາວ-ຫວຽດ ນາມໃຫ້ແໜ້ນແຟ້ນຍິ່ງຂຶ້ນ.