ນັກເຕະອາຊຽນຄົນທໍາອິດເຂົ້າຮ່ວມພຣີເມຍລີກອັງກິດ

ເບັນຈາມິນ ເດວິດ ກອງກາງອາຍຸ 17 ປີ ເກີດຢູ່ແຂວງພູເກັດ ປະເທດໄທ ໂດຍພໍ່ເປັນຄົນອັງກິດ ແລະ ແມ່ເປັນຄົນໄທ ກ່ອນຈະຍ້າຍໄປຢູ່ປະເທດສິງກະໂປ ແລະ ກາຍເປັນນັກເຕະຄົນທໍາອິດຂອງປະເທດສິງກະໂປ ທີ່ໄດ້ເຊັນສັນຍາເປັນນັກເຕະອາຊີບ ໃນພຣີເມຍລີກ ອັງກິດ ກັບສະໂມສອນ ຟູແລມ ສະໂມສອນນ້ອງໃໝ່ ກຽມເຂົ້າຮ່ວມໃນປີ 2018-2019 ໂດຍໄດ້ເຊັນສັນຍາ 2 ປີ.

ເບັນຈາມິນ ເດວິດ ເປັນລູກເຄິ່ງສິງກະໂປ-ໄທ-ອັງກິດ ໄດ້ຮັບອະນຸຍາດເປັນທາງການຈາກປະເທດສິງກະໂປ ໃຫ້ຍ້າຍໄປຫລິ້ນໃຫ້ແກ່ສະໂມສອນຟູແລມ ເພາະວ່າຍັງບໍ່ໄດ້ຖືກເກນເປັນທະຫານຕາມກົດໝາຍ ກໍານົດໃຫ້ເປັນ 1 ໃນ 5 ຄົນຂອງນັກເຕະເຍົາວະຊົນທີ່ໄດ້ຮັບທຶນການສຶກສາຈາກປະເທດສິງກະໂປ.

ຫລ້າສຸດໄດ້ເຊັນສັນຍາເປັນເວລາ 2 ປີກັບສະໂມສອນຟູແລມ ເຊິ່ງຈະລົງຫລິ້ນໃນພຣີເມຍລີກ ອັງກິດ ລຸ້ນອາຍຸ 18 ປີ.