ລີເວີພູລ ມີໂອກາດຄວ້າຕົວ ນາບາສ

ສະໂມສອນ ລີເວີພູລ ຕົກເປັນຂ່າວມີໂອກາດໄດ້ຕົວ ເຄຍເລີ ນາບາສ ຈອມມືໜຽວຂອງ ຣີລ ມາດຣິດ ມາເປັນຜູ້ຮັກສາປະຕູຄົນໃໝ່.

ຕາມການລາຍງານຂອງສໍານັກຂ່າວຕ່າງປະເທດລາຍງານໃນວັນທີ 17 ກໍລະກົດ 2018 ວ່າ: ລີເວີພູລ ສະໂມສອນໃຫຍ່ແຫ່ງ ພຣີເມຍລີກ ອັງກິດ ມີໂອກາດຄວ້າຕົວ ເຄຍເລີ ນາບາສ ຜູ້ຮັກສາປະຕູທີມຊາດຄອສຕາຣິກາ ມາເຂົ້າຮ່ວມສະໂມສອນໃນປີນີ້.

ເຊິ່ງເປັນບັນຫາທີ່ເຂົ້າໃຈກັນວ່າ ເຍີເກນ ຄລອບ ຜູ້ຈັດການທີມສະໂມສອນ ລີເວີພູລ ກໍາລັງຊອກຫາຜູ້ຮັກສາປະຕູຄົນໃໝ່ມາປ່ຽນຕໍາແໜ່ງ ໂລຣີສ ຄາຣີອຸສ ໂດຍຫລ້າສຸດ ຊາກາ ຮີສລອບ ຜູ້ຊ່ຽວຊານຂອງ ອີເອສພີເອັນ ໄດ້ລະບຸວ່າ: ສະໂມສອນ ຣີລ ມາດຣິດ ຄວ້າຕົວ ດາບິດ ເດເຄອາ ຈອມມືໜຽວຂອງສະໂມສອນ ແມນ​ເຊັສເຕີ ຢູໄນເຕັດ ເຮັດໃຫ້ພວກເຂົາຫັນມາສົນໃຈໄປທີ່ ຕີໂບ ກູຕົວ ຂອງເຊລຊີ ໝາຍຄວາມວ່າ ນາບາສ ຈະມີໂອກາດຍ້າຍຮ່ວມສະໂມສອນ ລີເວີພູລ ແທ້.