ແມນຢູ ເປີດຕົວຊຸດແຂ່ງໃນບ້ານໃໝ່ ລະນຶກສ້າງຕັ້ງຄົບຮອບ 140 ປີ
ເຈສຊີ ລິນກາຣດ, ໂຣເມລູ ລູກາກູ, ເນມານຢ່າ ມາຕິຊ ແລະ ຂວນ ມາຕ້າ ຮັບບົດບາດເປັນນາຍແບບເປີດຕົວຊຸດແຂ່ງໃນບ້ານໃໝ່ຂອງ ແມນເຊັສເຕີ ຢູໄນເຕັດ ທີ່ຈະໃຊ້ໃນລະດູການໜ້າ ໂດຍມີກຣາບຟິກລາຍລາງລົດໄຟເພື່ອສະຫລອງການສ້າງຕັ້ງສະໂມສອນຄົບຮອບ 140 ປີ.
ແມນເຊັສເຕີ ຢູໄນເຕັດ ສະໂມສອນຍັກໃຫຍ່ແຫ່ງ ພຣີເມຍລີກ ອັງກິດ ເປີດຕົວຊຸດແຂ່ງໃນບ້ານທີ່ຈະໃຊ້ໃນລະດູການ 2018-19 ອອກມາຢ່າງເປັນທາງການແລ້ວ ໃນວັນທີ 17 ກໍລະກົດນີ້ ໂດຍເນັ້ນອອກແບບປະສົມປະສານລະຫວ່າງອະດີດກັບປັດຈຸບັນ.
ຊຸດແຂ່ງໃໝ່ສີແດງຂອງ ແມນເຊັສເຕີ ຢູໄນເຕັດ ທີ່ຍັງໃຊ້ບໍລິການຂອງ ອາດິດາສ ໃນການອອກແບບ ໄດ້ແຮງບັນດານໃຈຈາກການທີ່ຜູ້ສ້າງຕັ້ງສະໂມສອນທຳອິດຊື່ວ່າ ນິວຕັນ ຮີທ ໃນປີ 1878 ເປັນກຸ່ມຄົນເຮັດວຽກນຳລົດໄຟ ເຊິ່ງຈຸດທີ່ບົ່ງບອກເລື່ອງນັ້ນໄດ້ຈະແຈ້ງທີ່ສຸດຄືການໃສ່ແຖບເສັ້ນລາຍກຣາບຟິກສີດຳຫລາຍເສັ້ນບ່ອນລຳຕົວໃຫ້ເບິ່ງຄືກັບລາງລົດໄຟ.
ແມນເຊັສເຕີ ຢູໄນເຕັດ ຈະໃສ່ຊຸດໃໝ່ລົງຫລິ້ນເກມທຳອິດຢ່າງເປັນທາງການໃນນັດອຸ່ນເຄື່ອງກັບ ຄລັບອາເມລິກາ ທີ່ປະເທດສະຫະລັດອາເມລິກາ ໃນວັນທີ 19 ກໍລະກົດນີ້.
