ຝົນມາພາໃຫ້ທາງເພ

ໂດຍ: ທ່ຽງທຳ

ສະບາຍດີ, ເພື່ອນຜູ້ອ່ານ ທີ່ຮັກແພງ, ຝົນມາພາໃຫ້ທາງເພ, ນີ້ອາດແມ່ນຄຳແກ້ຕົວແບບງາຍໆ ຂອງເບື້ອງຜູ້ຮັບຜິດຊອບ, ເພາະວ່າກໍເປັນ ແນວນັ້ນແທ້, ພໍກ້າວສູ່ລະດູຝົນ ປີໃດຫລາຍເສັ້ນທາງໃນປະ ເທດເຮົາຈະໄດ້ຮັບຜົນກະທົບ ທັນທີໂລດເພາະບັນດາເສັ້ນ ທາງດັ່ງກ່າວບໍ່ມີຄຸນນະພາບ ທີ່ພຽງພໍຈະຮັບການອັ່ງຂັງ ຂອງນ້ຳຝົນ ແລະ ນ້ຳໜັກ ຂອງລົດສັນຈອນໄປມາໃນ ເສັ້ນທາງດັ່ງກ່າວ, ຮ້າຍແຮງ ທີ່ສຸດກໍແມ່ນບັນດາເສັ້ນທາງຮອມທາງຊອຍຕ່າງໆ ໃນນະຄອນຫລວງວຽງຈັນສ້າງຂຶ້ນ ມາພຽງປີສອງປີກໍເປ່ເພສຸຊຸດໂຊມລົງແລ້ວ, ໂດຍສະເພາະລະດູຝົນນີ້ ມີຫລາຍເສັ້ນທາງ ກໍເກືອບຈະບໍ່ສາມາດນຳໃຊ້ ຖ້າເວົ້າຕົງອອກມາກໍດັ່ງຫລາຍເສັ້ນທາງໃນເຂດໄດ້ຕະຫລາດແລງໜອງດ້ວງ ນັບມື້ກາຍເປັນບວກເປັນ ຂຸມເລິກລົງໄປປານບວກງົວ ບວກຄວາຍກໍມີ, ແຕ່ການປົວແປງໃນໄລຍະລະດູຝົນນີ້ພັດ ເຮັດບໍ່ໄດ້ ແລະ ເມື່ອຮອດແລ້ງ ມາພັດວ່າບໍ່ມີງົບ, ກ້ຽວໄປ ວຽນມາກໍແມ່ນຄວາມທຸກ ຂອງຜູ້ໃຊ້ລົດໃຊ້ຖະໜົນ.

ເພື່ອແກ້ໄຂສະພາບດັ່ງ ກ່າວໃຫ້ໝົດໄປມີຊ່ຽວຊານ ຫລາຍຄົນໃຫ້ທັດສະນະວ່າ: ເຮົາຕ້ອງຕັດລົມແຕ່ຫົວທີ, ໝາຍວ່າຕ້ອງມີການປະຕິຮູບ ຢ່າງຈິງຈັງໃນດ້ານຄຸນນະ ພາບຂອງການກໍ່ສ້າງເສັ້ນທາງແບບແປະໆບາງໆ ເອົາ ແຕ່ເງິນເຂົ້າຖົງແລ້ວກໍພໍ, ສ່ວນເລື່ອງຄຸນນະພາບເສັ້ນ ທາງແມ່ນເອົາໄວ້ຕາມຫລັງ ໃຜໄດ້ໃຜເສຍບໍ່ກ່ຽວ, ມີຫລາຍຄົນໃຫ້ເຫດຜົນວ່າ ຖ້າ ເວົ້າເລື່ອງງົບປະມານ ກໍ່ສ້າງທາງປູຢາງຢູ່ບ້ານເຮົາເມືອງ ເຮົາກໍເປັນລະບົບມາດຕະຖານ ດັ່ງຫລາຍປະເທດເຄີຍ ເຮັດມາແຕ່ເປັນຫຍັງຄຸນນະພາບຂອງທາງຈິ່ງບໍ່ດີ, ສາເຫດຕົ້ນຕໍກໍແມ່ນຍ້ອນການ ແບ່ງ 5 ແບ່ງ 10, ເຮັດໃຫ້ ການນຳໃຊ້ງົບດັ່ງກ່າວເຂົາ ໃນວຽກກໍ່ສ້າງທາງຕົວຈິງ ໜ້ອຍລົງ, ຈົນບາງບ່ອນເຂົ້າ ເອີ້ນວ່າ ແລດຢາງບໍ່ແມ່ນປູຢາງ.

ດັ່ງນັ້ນເມື່ອຝົນຕົກລົງ ນ້ຳ ຈຶ່ງຊືມເຂົ້າໜ້າທາງ ແລະ ເປ່ເພໄດ້ງ່າຍ, ເວົ້າແນວນີ້ບໍ່ ແມ່ນສອນແຂ້ລອຍນ້ຳດອກ, ໃນຕົວຈິງກໍຢາກເນັ້ນໃຫ້ພາກ ສ່ວນກ່ຽວຂ້ອງເພີ່ມທະວີ ຄວາມຮັບຜິດຊອບກວດຄຸນນະພາບ, ການກໍ່ສ້າງເສັ້ນທາງໃຫ້ດີກວ່າເກົ່າ.

ຈິ່ງຈະຊ່ວຍໃຫ້ການສູນເສຍງົບປະມານເຂົ້າໃນດ້ານນີ້ໜ້ອຍລົງ ແລະ ປະຊາຊົນ ເຮົາກໍຈະໄດ້ຊົມໃຊ້ເສັ້ນທາງມີຄຸນນະພາບດີຂຶ້ນດັ່ງປະເທດ ອື່ນໆ ເຖິງຈະແມ່ນຍາມແລ້ງ ຍາມຝົນເສັ້ນທາງຂອງເພິ່ນ ກໍຍັງດີຄືເກົ່າ./.

+ ໂຄລາວສົມທົບທຶນສ້ອມແປງທາງເຂົ້າກອງຄຸ້ມຄອງພາຫະນະ

+ ແຂວງບໍ່ແກ້ວກໍ່ສ້າງເສັ້ນທາງແຕ່ບ້ານດ່ານຖິ່ນຫາ ເມືອງປາກທາເປັນທາງປູຢາງ