ທາງການ ! ໂຣນັລໂດ້ ອຳລາ ຣີລ ມາດຣິດ ຍ້າຍຮ່ວມທັບ ຢູເວັນຕຸສ ຄ່າຕົວແພງສຸດອັນດັບທີ 4 ຂອງໂລກ

ເລື່ອງນີ້ ! ເປັນຂ່າວທີ່ແຟນບານທົ່ວໂລກສົນໃຈເປັນພິເສດ ຫລັງມີກະແສຂ່າວນັບຕັ້ງແຕ່ ໂຣນັລໂດ້ ບໍ່ສາມາດນຳທີມຊາດ​ໂປຣຕຸ​ເກສໄປເຖິງຝັນໃນບານໂລກ 2018 ຕົກຮອບ 16 ທີມ.

ຫລ້າສຸດເມື່ອບໍ່ດົນມານີ້ ທັງສອງທີມ ຣີລ ມາດຣິດ ແລະ ຢູເວັນຕຸສ ໄດ້ຢືນຢັນຜ່ານເວັບໄຊທາງການ ທັງສອງທີມບັນລຸຂໍ້ຕົກລົງກັນເປັນທີ່ຮຽບຮ້ອຍ ມາດຣິດ ຮັບຂໍ້ສະເໜີ 112 ລ້ານເອີໂຣ ຫລື ປະມານ 99,2 ລ້ານປອນ ຂອງຢູເວັນຕຸສ ຂໍຊື້ ຄຣິສເຕຍໂນ້ ໂຣນັລໂດ້, ສ່ວນນັກກິລາກໍເຫັນດີກັບຂໍ້ສະເໜີຂອງຕົ້ນສັງກັດໃຫມ່ ເຊັນສັນຍາ 4 ປີ.

ຄ່າຕົວຂອງ ໂຣນັລໂດ້ ຄັ້ງນີ້ ແພງສຸດເປັນອັນດັບທີ 4 ຂອງໂລກ ຕໍ່ຈາກ ເນມາຣ 200 ລ້ານປອນ, ຄີລຽນ ເອັມບັບເປ້ 166 ລ້ານປອນ ແລະ ຟີລິບເປ້ ຄູຕິນໂຢ້ 142 ລ້ານປອນ.