ທ່ານຮູ້ບໍ່ວ່າຄ່າໃຊ້ຈ່າຍລົດ Lamborghini ເດືອນຫນຶ່ງແມ່ນເທົ່າໃດ ?

Simon Geogre ເຈົ້າຂອງລົດ Lamborghini Murcielago ປີ 2004 (ເຊິ່ງໃນເວລານັ້ນ ລົດຄັນນີ້ມີມູນຄ່າ 280,000ໂດລາ) ຮອດປະຈຸບັນແລ່ນໄດ້ໄລຍະທາງ 418,000 ກມ ໄດ້ບອກໃຫ້ເຮົາຮູ້ກ່ຽວກັບຄ່າໃຊ້ຈ່າຍທີ່ລາວໃຊ້ກັບລົດເສດຖີນີ້ຢ່າງລະອຽດວ່າ: ແຕ່ ປີ 2004 ລົດຄັນນີ້ໄດ້ຈ່າຍຄ່ານ້ຳມັນ ໄປທັງຫມົດ 162,000 ໂດລາ, ປ່ຽນຢາງລົດໄປແລ້ວ 84 ຊຸດ ເປັນເງິນປະມານ 97,400 ໂດລາ. ຄ່າເຊັກລົດ ແລະ ຄ່າບໍລິການ 64,000 ໂດລາ,​ ຄ່າ ປະກັນໄພ 19,000 ໂດລາ ຄ່າເອກະສານອື່ນໆຄືເສຍຄ່າທາງ ປະມານ 25,000 ໂດລາ ລວມທັງຫມົດແລ້ວປະມານ 482,400 ໂດລາ.

ລວມທັງຫມົດ 13 ປີ ເຈົ້າຂອງລົດ Lamborghini ູຄັນນີ້ໄດ້ຈ່າຍໄປຫລາຍກວ່າ 480,000 ໂດລາ ຕົກປີຫນຶ່ງສະເລ່ຍ 37,000 ໂດລາ ແລະ ຫລາຍກວ່າ 3,000 ໂດລາຕໍ່ເດືອນ.

ຊຶ່ງໃນປີ 2012 ລົດຂອງເລົາໄດ້ຖືກອຸບັດຕິເຫດ ຄົນຂັບບໍ່ເປັນຫຍັງ ແຕ່ຕ້ອງໃຊ້ເວລາ 4 ປີໃນການປົວແປງລົດໃຫ້ເປັນສະພາບປົກກະຕິ ແລະ ຈ່າຍໄປ 115,000 ໂດລາໃນການປົວແປງ.