ວິທີຫລີກເວັ້ນຈາກບັນຫາຫົວລ້ານ
July 6, 2018 - 2:28 PM
- ອ່ອນໂຍນກັບເສັ້ນຜົມ ແລະ ໜັງຫົວ : ຢຸດໃຊ້ໄດເປົ່າຜົມທີ່ມີຄວາມຮ້ອນສູງເປົ່າຈົນແຫ້ງເລື້ອຍໆ ແລະ ຫ້າມໃຊ້ຜ້າຂົນໜູ ເຊັດຜົມແຮງໆ ເນື່ອງຈາກຮາກຜົມຂອງເຮົາອ່ອນແອກ່ວາທີ່ຄິດ.
- ຢ່າສະຜົມທຸກມື້ : ຍ້ອນຜົມສັ້ນ ບາງຄົນກໍສະທັງເຊົ້າທັງແລງ ເຊິ່ງຮູ້ຫລືບໍ່ວ່ານັ້ນແມ່ນການທຳຮ້າຍເສັ້ນຜົມທາງໜຶ່ງ ເນື່ອງຈາກສານເຄມີໃນຢາສະຜົມ ແລະ ຄຣີມນວດຜົມກໍສາມາດທຳຮ້າຍຮາກຜົມ ລວມທັງນຳ້ມັນທຳມະຊາດທີ່ມີໃນໜັງຫົວໄດ້.
- ຕັດຜົມສັ້ນສະເໝີ : ເພາະຜົມຍາວອາດຈະດຶງຮາກຜົມຂອງທ່ານຫລາຍຂຶ້ນ ຈົນເຮັດໃຫ້ຜົມທາງເທິງຂອງທ່ານບາງລົງ ແລະ ຜົມທີ່ຍາວກໍຍ່ອມຕ້ອງການສານອາຫານມາເບິ່ງແຍງຕະຫລອດ ທັງເສັ້ນຫລາຍຂຶ້ນ.
- ຫລີກເວັ້ນການໃຊ້ຫວີເລື້ອຍໆ : ເພາະຜົມສັ້ນບໍ່ຈຳເປັນຕ້ອງໃຊ້ຫວີເລີຍ ຖ້າເປັນໄປໄດ້ກໍຄວນຈະໃຊ້ຫວີໃຫ້ໜ້ອຍທີ່ສຸດ ເພາະການຫວີຜົມເລື້ອຍໆຈະຍິ່ງເປັນການທຳຮ້າຍຮາກຜົມໃຫ້ອ່ອນແອ ຜົມກໍມີໂອກາດຫລຸດຫລົ່ນໄດ້ງ່າຍຂຶ້ນ.
- ໝັ່ນສັງເກດຕົນເອງ : ຕ້ອງໝັ່ນສັງເກດວ່າມື້ນີ້ຜົມຫລົ່ນຫລືບໍ່ ຫລື ໃນຂະນະທີ່ສະຜົມ ແລະ ຫວີມີເສັ້ນຜົມຕິດມານຳຫວີຫລືບໍ່ ຖ້າພົບເຫັນຂັ້ນທຳອິດໃຫ້ທ່ານລອງປຶກສາແພດຜິວໜັງກ່ອນ ເພື່ອຫາສາເຫດຂອງບັນຫາຜົມຫລົ່ນເກີນຂະໜາດ ຈາກນັ້ນກໍຄ່ອຍໆຫາທາງປິ່ນປົວຕໍ່ໄປ.
- ກິນອາຫານທີ່ມີປະໂຫຍດ : ໂດຍເລີ່ມຈາກສານອາຫານທີ່ຈະຊ່ວຍເບິ່ງແຍງເສັ້ນຜົມ ເຊັ່ນ : ອາຫານທີ່ມີທາດເຫລັກ, ວິຕາມິນທຸກຊະນິດທີ່ມີໃນຜັກ ແລະ ໝາກໄມ້ ໂດຍສະເພາະແມ່ນວິຕາມິນເບ.
- ຢ່າໃຫ້ໝວກປົກປິດເລື້ອຍໆ : ເພາະການໃສ່ໝວກຢູ່ຕະຫລອດເວລາກໍບໍ່ຕ່າງຫຍັງກັບການເອົາຄວາມຮ້ອນມາໃຫ້ຜົມຕະຫລອດ ເຊິ່ງເມື່ອຜົມພົບອຸນຫະພູມສູງໆກໍຈະມີໂອກາດຫລຸດຫລົ່ນຫລາຍຂຶ້ນໄດ້.
- ຢ່າຄິດ ແລະ ກັງວົນຫລາຍເກີນໄປ : ເພາະການຄິດຫລາຍກໍເປັນສາເຫດສຳຄັນທີ່ເຮັດໃຫ້ຜົມຫລົ່ນໄດ້ ທັງຍັງສົ່ງຜົນຮ້າຍຕໍ່ສຸຂະພາບອີກຫລາຍປະການ ລວມທັງເຮັດໃຫ້ໜ້າເຖົ້າກ່ອນອາຍຸນຳອີກ.
