ວັງວຽງສົ່ງເສີມປະຊາຊົນປະກອບສ່ວນຮັກສາສິ່ງແວດລ້ອມ
ເມື່ອບໍ່ດົນມານີ້, ອຳນາດການປົກຄອງເມືອງວັງວຽງ ແຂວງວຽງຈັນ, ໄດ້ຈັດຊຸດຝຶກອົບຮົມ ກ່ຽວກັບບັນຫານ້ຳເປື້ອນ ແລະ ຂີ້ເຫຍື້ອອອກຈາກຄົວເຮືອນ, ໂດຍການເປັນປະທານຂອງທ່ານ ຄຳຜອງ ດວງວິໄລ ເຈົ້າເມືອງໆວັງວຽງ, ມີທ່ານ ຫຽມ ພົມມະຈັນ ປະທານສະມາຄົມລາວ-ໄທ ເພື່ອມິດຕະພາບ ແລະ ພາກສ່ວນກ່ຽວຂ້ອງເຂົ້າຮ່ວມທ່ານ ສຸກກະເສີມ ໂພທິສານ ເລຂາທິການສະມາຄົມລາວ-ໄທ ເພື່ອມິດຕະພາບ ກ່າວວ່າ: ໃນລະຫວ່າງເດືອນ ກັນຍາ ປີ 2017 ຜ່ານມາ, ຄະນະສະມາຄົມ ລາວ-ໄທເພື່ອມິດຕະພາບ ໄດ້ໄປທັດສະນະສຶກສາຢູ່ປະເທດໄທ ກ່ຽວກັບການບຳບັດນ້ຳເປື້ອນ ແລະ ການຈັດການຂີ້ເຫຍື່ອຂອງຊຸມຊົນ ເຊິ່ງເຫັນວ່າມີຄວາມງ່າຍດາຍ, ໂດຍໃຊ້ຫຼັກການທີ່ວ່າ: ການບຳບັດນ້ຳເປື່ອນ ແລະ ຂີ້ເຫຍື່ອ ສາມາດເຮັດໄດ້ພາຍໃຕ້ຂະບວນການທຳມະຊາດຊ່ວຍທຳມະຊາດຮ່ວມກັບເຕັກໂນໂລຊີ ທີ່ງ່າຍດາຍ ແລະ ລາຄາຖືກ. ດັ່ງນັ້ນສະມາຄົມລາວ-ໄທ ເພື່ອມິດຕະພາບ ສົມທົບກັບຫ້ອງການຊັບພະຍາກອນນ້ຳ ແລະ ສິ່ງແວດລ້ອມເມືອງວັງວຽງ, ຈື່ງໄດ້ຈັດຝຶກອົບຮົມນີ້ຂື້ນ ເພື່ອຖ່ານທອດບົດຮຽນໃຫ້ຜູ້ປະກອບດ້ານຮ້ານອາຫານ, ເຮືອນພັກ,ໂຮງແຮມ ແລະ ຄົວເຮືອນຂອງປະຊາຊົນຊາວເມືອງວັງວຽງ ໄດ້ຮັບຮູ້, ເຂົ້າໃຈ ກ່ຽວກັບວິທີຈັດການບັນຫານ້ຳເປື່ອນ ແລະ ຂີ້ເຫຍື້ອ ອອກຈາກຄົວເຮືອນ ໂດຍໄດ້ມີການສາທິດ, ວິທີເຮັດ ຖັງດັກໄຂມັນ, ຫລັງຈາກນັ້ນ, ພ້ອມທັງໄດ້ມອບຖັງດັກໄຂມັນ ຈຳນວນ 50 ຖັງໃຫ້ກັບເມືອງວັງວຽງ ລະຫວ່າງທ່ານ ກະເສມ ຈັນແກ້ວ ຜູ້ອຳນວຍການໂຄງການສຶກສາວິໃຈ ແລະ ພັດມະນາ ສິ່ງແວດລ້ອມ ແຫຼມຜັກເບ້ຍອັນເນື່ອງມາຈາກພຣະຣາຊະດຳຣິ ປະເທດໄທ ແລະ ທ່ານ ຄຳຜອງ ດວງວິໄລ ກຳມະການພັກແຂວງ ເລຂາພັກເມືອງ ເຈົ້າເມືອງໆວັງວຽງ ເພື່ອນຳໃຊ້ຕາມບັນດາຫ້ອງການຕ່າງໆຂອງເມືອງໃຫ້ເກີດປະໂຫຍດສູງສຸດທ່ານ ເຈົ້າເມືອງ ວັງວຽງ ໃຫ້ຮູ້ວ່າ: ໃນປີ 2017 ຜ່ານມາມີນັກທ່ອງທ່ຽວ ເຂົ້າມາທ່ຽວ ເມືອງວັງວຽງຫລາຍກວ່າ 189.700 ຄົນ, ໃນນີ້ມີນັກ ທ່ອງທ່ຽວຕ່າງປະເທດ 149.400 ກວ່າຄົນ ສ້າງ ລາຍຮັບໃຫ້ທ້ອງຖິ່ນໄດ້ 94 ຕື້ກວ່າກີບ.
