ແຂວງຫລວງນ້ຳທາສ້າງສູນກັກກັນສັດຮອງຮັບການສົ່ງອອກໄປ ສປ ຈີນ

ພິທີເຊັນສັນຍາໂຄງການ ລ້ຽງງົວເປັນສິນຄ້າ ແລະ ສ້າງສູນກັກກັນສັດພາຍໃນ ມາດຕະຖານດ້ານສຸຂະນາ ໄມ ແລະ ສຸຂະນາໄມພຶດ ຢູ່ບ້ານ ນາຄຳ ແລະ ບ້ານ ປ່າຊາງ ເມືອງ ສິງ ແຂວງ ຫລວງນ້ຳທາ ໃນເນື້ອທີ່ 40 ກ່ວາເຮັກຕາ, ໃນມູນຄ່າ 2 ລ້ານໂດລາສະຫະລັດໄດ້ ມີຂຶ້ນເມື່ອບໍ່ດົນມານີ້, ລະ ຫວ່າງທ່ານ ບຸນທຳ ອິນທະ ປະເສີດ ຮອງຫົວໜ້າພະ ແນກແຜນການ ແລະ ການ ລົງທຶນແຂວງ ແລະ ທ່ານ ສົມຊາຍ ອຳນວຍການບໍລິ ສັດ ແອວເອັສການຄ້າຂາ ອອກ-ຂາເຂົ້າ ຈຳກັດ, ໂດຍ ການເຂົ້າຮ່ວມເປັນສັກຂີ ພະຍານຂອງທ່ານ ເພັງພາ ວັນ ດາວພອນຈະເລີນຮອງ ເຈົ້າ ແຂວງຫລວງນ້ຳທາ.

+ ເມືອງຊົນນະບູລີວາງສີລາລືກກໍ່ສ້າງສູນອະນຸລັກປ່າໂຄກ

+ ພິທີເຊັນສັນຍາໂຄງການເຊົ່າສຳປະທານໜ້ານ້ຳ ອ່າງນ້ຳງື່ມ 1 ເຂດໂສກປາແກ້ວ

ໂຄງການດັ່ງກ່າວແນ ໃສ່ ສົ່ງເສີມການລ້ຽງງົວ, ຄວາຍ, ເພື່ອສົ່ງອອກໄປ ສປ ຈີນ, ເຊິ່ງສັດລ້ຽງຂອງ ບໍລິ ສັດດັ່ງກ່າວຈະໄດ້ຮັບການ ສັກຢາປ້ອງກັນພະຍາດຕິດ ແປດ, ຂຶ້ນທະບຽນ, ກວດ ສຸຂະພາບ ແລະ ມີໃບຢັ້ງຢືນ ສຸຂະພາບສັດຢ່າງຖືກຕ້ອງ, ສອດຄ່ອງກັບລະບຽບກົດ ໝາຍ ຂອງ ສປປ ລາວ ແລະ ສປ ຈີນ ແລະ ຖືກຕ້ອງ ຕາມ ມາດຕະຖານການດ້ານສຸ ຂະນາໄມ ແລະ ສຸຂະນາໄມ ພຶດທີ່ດີທີ່ອົງການຈັດ ຕັ້ງສາກົນທີ່ກ່ຽວຂ້ອງໄດ້ ກຳນົດ.

ສຳລັບກິດຈະກຳ ຂອງໂຄງການມີຄື: ສ້າງ ສູນກັກກັນສັດ, ຟາມງົວ, ສົ່ງເສີມ ປະຊາຊົນລ້ຽງງົວ ແລະ ສົ່ງເສີມປະຊາຊົນ ປູກຫຍ້າ ແລະ ພຶດເສດຖະ ກິດອື່ນໆ ເຊັ່ນ: ສາລີ, ມັນ ຕົ້ນ, ເພື່ອເປັນສ່ວນປະສົມ ອາຫານສັດ, ບໍລິສັດ ໄດ້ຮັບ ສຳປະທານ 30 ປີ, ຫລັງ ຈາກນັ້ນ ຈະໂອນກິດຈະ ການທັງໝົດໃຫ້ລັດ, ແຕ່ ທາງບໍລິສັດສາມາດສະ ເໜີຕໍ່ອາຍຸໂຄງການດັ່ງ ກ່າວໄດ້ໂດຍພາຍໃຕ້ການ ເຫັນດີຈາກລັດ.