ຄາຊູ ຍັງເປັນດາວຍິງສູງສຸດໃນເປບຊີ ລາວພຣີເມຍລີກ 2018

ຄາຊູໂອະຮາມະ ນັກກິລາກອງໜ້າສະໂມສອນລາວໂຕໂຢຕ້າ ເອັຟຊີ ຄົນປະເທດຢີ່ປຸ່ນ ຍັງຄອງອັນດັບທີ 1 ຂອງດາວຍິງສູງສຸດ ພາຍຫລັງລົງສະໜາມ11 ຄັ້ງ ຍິງປະຕູໄດ້ 18 ປະຕູ ຂອງການແຂ່ງຂັນເປບຊິ ລາວພຣີເມຍລີກ 2018. ທ້າວ ຄາຊູ ໂມະຮາມະ ຖືເປັນນັກກິລາກອງໜ້າຕົວສໍາຄັນຂອງສະໂມສອນລາວໂຕໂຢຕ້າ ເອັຟຊີ ເຊິ່ງການແຂ່ງຂັນປີຜ່ານມາລາວກໍສາມາດສ້າງຜົນງານໂດດເດັ່ນໃຫ້ກັບສະໂມສອນ. ສໍາລັບປີນີ້ກໍາລັງຮັກສາດາວຍິງສູງສຸດໃຫ້ແກ່ສະໂມສອນ ຈາກການລົງສະໜາມ 11 ຄັ້ງ ສາມາດຍິງປະຕູໄດ້ 18 ປະຕູ. ນອກຈາກນີ້ ອັນດັບທີ 2 ຕົກເປັນຂອງທ້າວ ພິທັກ ກອງມາທິລາດ ນັກກິລາກອງໜ້າສະໂມສອນກອງທັບ ຈາກການລົງສະໜາມ11 ຄັ້ງ ຍິງໄດ້ 6 ປະຕູ; ສ່ວນອັນດັບທີ 3 ທ້າວ ໂຊມະ ໂອຕານິ ຈາກສະໂມສອນລາວໂຕໂຢຕ້າ ເອັຟຊີ ລົງສະໜາມ11 ຄັ້ງ ຍິງໄດ້ 6 ປະຕູ.