ດ່ານພາສີສາກົນປາກຊັນເກັບລາຍຮັບເກີນແຜນ 5 ເດືອນປະຕິບັດໄດ້ 128 ຕື້ກວ່າກີບ

ການປະຕິບັດແຜນງົບ ປະມານແຫ່ງລັດຂອງດ່ານ ພາສີສາກົນປາກຊັນ ແຂວງ ບໍລິຄຳໄຊ ເຫັນມີລັກສະນະ ເພີ່ມຂຶ້ນ, ເນື່ອງຈາກການ ນຳເຂົ້ານໍ້າມັນເຊື້ອໄຟ-ອາຍ ແກັດ, ພາຫະນະ, ເຄື່ອງກໍ່ ສ້າງ, ເຄື່ອງໃຊ້ໄຟຟ້າ, ເຄື່ອງ ອຸປະໂພກບໍລິໂພກ ເພີ່ມຂຶ້ນຕໍ່ ເນື່ອງ…ສະແດງອອກໃນ ການຈັດເກັບລາຍຮັບເຂົ້າງົບ ປະມານ 5 ເດືອນສາມາດ ປະຕິບັດໄດ້ທັງໝົດ 128 ຕື້ກວ່າກີບ ຖ້າທຽບໃສ່ແຜນ ການ 5 ເດືອນເທົ່າກັບ 151,44% ແລະ ເທົ່າກັບ 63,10% ຂອງແຜນການປີ.

+ 3 ເດືອນຕົ້ນປີດ່ານພາສີສາກົນ ປາກຊັນເກັບລາຍຮັບ 131%

+ ຫລາຍປັດໄຈ! ພາໃຫ້ການເກັບລາຍຮັບດ່ານພາສີສົມຫວັງບໍ່ໄດ້ຕາມແຜນການ

ທ່ານ ໄຊຊະນະ ວົງຊົມ ພູ ຮອງຫົວໜ້າດ່ານພາ ສີສາກົນປາກຊັນ ໃຫ້ສຳ ພາດວ່າ: ການຈັດຕັ້ງປະ ຕິບັດວຽກງານຂອງດ່ານ ພາສີສາກົນປາກຊັນໃນ ໄລຍະ 5 ເດືອນ ຜ່ານມາ (ເດືອນມັງກອນ- ເດືອນ ພຶດສະພາ) ປີ 2018 ເຫັນ ວ່າມີຄວາມສະດວກ, ມີ ທ່ວງທ່າທີ່ດີພໍສົມຄວນ ເປັນຕົ້ນ: ທາງດ້ານຖານ ລາຍຮັບຈາກການນໍາເຂົ້າ ພາຫະນະ ແລະ ການນໍາ ເຂົ້າ ປະເພດນໍ້າມັນເຊື້ອໄຟ ແມ່ນຍັງປົກກະຕິເຮັດໃຫ້ ການຂຶ້ນແຜນລາຍຮັບ ຈາກໝວດສິນຄ້າດັ່ງກ່າວ ໄດ້ຕາມແຜນການ ແລະ ລື່ນແຜນການທີ່ວາງໄວ້, ແຕ່ແຜນການລາຍຮັບບາງ ໝວດສິນຄ້າຈໍານວນໜຶ່ງ ແມ່ນຍັງບໍ່ທັນໄດ້ຕາມ ແຜນ ການເຊັ່ນ: ການຈັດຕັ້ງປະ ຕິບັດແຈ້ງ ການເລກທີ 15/ ນຍ ຢຸດສົ່ງໄມ້ທ່ອນ, ໄມ້ແປ ຮູບ, ປະຕິບັດແຜນຫຼຸດຜ່ອນ ອັດຕາພາສີກອບອາຊຽນມີ ຫຼາຍສິນຄ້າອັດຕາພາສີ 0%.
ສໍາລັບປີ 2018 ດ່ານ ພາ ສີສາກົນປາກຊັນໄດ້ຮັບ ຕົວເລກຈັດເກັບລາຍຮັບ ທັງໝົດຈໍານວນ 204 ຕື້ ກວ່າກີບ, ຜ່ານການຈັດຕັ້ງ ປະຕິບັດວຽກງານວິຊາສະ ເພາະໃນໄລຍະ 5 ເດືອນ ຜ່ານ ມາສາມາດຈັດເກັບລາຍຮັບ ໄດ້ທັງໝົດ 128 ຕື້ກວ່າກີບ ເທົ່າກັບ 151,44% ຂອງ ແຜນການ 5 ເດືອນ ຫຼື ເທົ່າ ກັບ 63,10% ຂອງແຜນ ການປີ. ໃນນີ້, ດ່ານພາສີສາ ກົນປາກຊັນ ປະຕິບັດໄດ້ 127 ຕື້ກວ່າກີບ, ດ່ານປະເພນີ ປາກກະດິງປະຕິບັດໄດ້ 30 ລ້ານກວ່າກີບ, ດ່ານປະເພນີ ທ່າສະອາດປະຕິບັດໄດ້ 40 ລ້ານກວ່າກີບ, ດ່ານປະເພນີ ບ້ານທວຍ 162 ລ້ານກວ່າ ກີບ ແລະ ໜ່ວຍງານຄຸ້ມ ຄອງພາຫະນະ ແລະ ຜູ້ໂດຍ ສານປະຕິບັດໄດ້ 759 ລ້ານ ກວ່າກີບ.

ຮອງຫົວໜ້າດ່ານພາສີ ສາກົນປາກຊັນ ເນັ້ນຕື່ມ ວ່າ: ສາເຫດທີ່ເຮັດໃຫ້ສາມາດ ຈັດເກັບລາຍຮັບໄດ້ຕາມແຜນ ການເນື່ອງຈາກການນຳເຂົ້ານໍ້າມັນເຊື້ອໄຟ-ອາຍແກັດ, ພາຫະນະ, ເຄື່ອງກໍ່ສ້າງ, ເຄື່ອງໃຊ້ໄຟຟ້າ, ເຄື່ອງອຸປະ ໂພກບໍລິໂພກ ແລະ ສິນຄ້າປະ ເພດອື່ນໆເພີ່ມຂຶ້ນຕໍ່ເນື່ອງ…ສະນັ້ນ, ເພື່ອເຮັດໃຫ້ການ ຈັດເກັບລາຍຮັບໃນຕໍ່ໜ້າ ໄດ້ຮັບຜົນສໍາເລັດຕາມຄາດ ໝາຍດ່ານພາສີສາກົນປາກ ຊັນ ຈະສືບຕໍ່ປັບປຸງແບບແຜນ ວິທີນໍາພາ, ແບ່ງຄວາມຮັບ ຜິດຊອບຈັດວາງພະນັກງານ ເຂົ້າໃສ່ບັນດາຈຸງານ ແລະ ດ່ານປະເພນີຢູ່ພາຍໃນດ່ານ ໃຫ້ມີ ຄວາມຄ່ອງຕົວໃນການ ປະຕິບັດໜ້າທີ່ວຽກງານ, ລົງເລິກຕິດຕາມກວດ ກາຕີລາຄາ.ພ້ອມທັງ, ເພີ່ມ ທະວີການຄຸ້ມຄອງກວດ ກາສິນຄ້າເຂົ້າ-ອອກດ່ານ ໃຫ້ມີຄວາມເຂັ້ມງວດ, ສືບຕໍ່ໂຄສະນາເຜີຍແຜ່ກົດ ໝາຍວ່າ ດ້ວຍພາສີ, ລະ ບຽບການຕ່າງໆໃຫ້ພາກ ສ່ວນທຸລະກິດ, ຜູ້ປະກອບ ການເຂົ້າໃຈຢ່າງກວ້າງ ຂວາງເພື່ອສ້າງເງື່ອນໄຂ ໃຫ້ເຂົາເຈົ້າປະກອບສ່ວນ ຢ່າງຕັ້ງໜ້າ, ເອົາໃຈໃສ່ ຢ່າງຕັ້ງໜ້າໃນການກວດ ກາການສົ່ງອອກຫີນກໍ່ ສ້າງ, ຜະລິດຕະພັນໄມ້ສໍາ ເລັດຮູບໃຫ້ຖືກຕ້ອງສອດ ຄ່ອງຕາມນິຕິກໍາ ແລະ ແຈ້ງ ການທີ່ໄດ້ອອກມາຕາມ ລະບຽບກົດໝາຍ, ຕ້ານ ແລະ ສະກັດກັ້ນການລັກ ລອບ ໜີພາສີທັງໃນດ່ານ ແລະ ນອກດ່ານ ເພື່ອອຸດຕັນ ບໍ່ໃຫ້ ເກີດການ ຮົ່ວໄຫຼ ແລະ ເພື່ອໃຫ້ການຈັດເກັບລາຍ ຮັບບັນລຸຕາມແຜນການທີ່ ກໍານົດໄວ້.