ຮອງປະທານ ອພສ ສູນກາງລົງຊຸກຍູ້ວຽກງານເຜີຍແຜ່ສິນລະທຳຢູ່ແຂວງສາລະວັນ
ທ່ານ ສີສຸວັນ ວົງຈອມສີ ເຈົ້າແຂວງສາລະວັນ ໄດ້ຕ້ອນຮັບພຣະອາຈານໃຫຍ່ ປອ. ມະຫາເຫວດ ມະເສໄນ ຮອງປະທານສູນກາງອົງການພຸດທະສາດສະຫນາສຳພັນລາວ, ອົງຊີ້ນໍາວຽກງານກຳມາທິການເຜີຍແຜ່ສິນລະທັມ ແລະ ປະຕິບັດກຳມະຖານສູນກາງ, ມີພຣະອາຈານໃຫຍ່ ສີທົນ ໄຊຍະວົງສອນ ຫົວຫນ້າກຳມາທິການເຜີຍແຜ່ສິນລະທັມ ພ້ອມດ້ວຍຜູ້ຕາງຫນ້າຈາກກະຊວງພາຍໃນ, ສູນກາງແນວລາວສ້າງຊາດ ໃນໂອກາດທີ່ຄະນະກັມມາທິການເຜີຍແຜ່ສິນລະທຳ ແລະ ປະຕິບັດກັມມະຖານ ສູນກາງອົງການພຸດທະສາສະນາສັມພັນລາວ ໄດ້ລົງຊຸກຍູ້ວຽກງານແກ່ ອພສ ແຂວງສາລະວັນ ແລະ ໃນໂອກາດນີ້, ທ່ານເຈົ້າແຂວງສາລະວັນ ໄດ້ຖວາຍປັດໄຈອຸປະຖຳວຽກງານການເຜີຍແຜ່ສິນລະທັມ ແລະ ປະຕິບັດກຳມະຖານສູນກາງ ຈຳນວນ 5 ລ້ານກີບ, ພ້ອມທັງກ່າວຢືນຢັນເນັ້ນໃຫ້ທາງອຳນາດການປົກຄອງແຂວງທຸກຂັ້ນອຳນວຍຄວາມສະດວກໃຫ້ກັບວຽກງານເຜີຍແຜ່ສິນລະທັມ ເພື່ອໃຫ້ປະຊາຊົນທຸກຊັ້ນຄົນ ໃນສັງຄົມມີສິນລະທັມປະຈຳໃຈ, ຈະສ້າງໃຫ້ສັງຄົມມີຄວາມສະຫງົບ, ມີສະຕິ ແລະ ທັງສາມາດຊ່ວຍຫຼຸດຜ່ອນບັນຫາຄວາມວຸ້ນວາຍຕ່າງໆລົງໄດ້.
