ຜູ້ແທນປະຊາຊົນເພື່ອປະຊາຊົນ

ໂດຍ: ກ້ອງສ່ອງ ອິດສະຫລະ 

ກອງປະຊຸມສະໄໝສາ ມັນເທື່ອທີ V ຂອງສະພາ ແຫ່ງຊາດຊຸດທີ VIII ຍັງຈະ ດຳເນີນໄປຮອດວັນທີ 28 ມິຖຸ ນາຈຶ່ງຈະໄດ້ປິດສາກລົງຢ່າງເປັນທາງການ, ຜ່ານກອງ ປະຊຸມຄັ້ງນີ້, ເຫັນວ່າທາງ ລັດຖະບານເຮົາ ແລະ ສະພາ ແຫ່ງຊາດໄດ້ຮ່ວມກັນປຶກສາຫາລືວາງທິດທາງແກ້ໄຂ ບັນຫາຕ່າງໆຂອງຊາດໃນ ຫລາຍດ້ານ.

+ ຝາກໃຈໄວ້ກັບຜູ້ແທນປະຊາຊົນ

+ ຄະນະຜູ້ແທນສະພາແຫ່ງຊາດເຂົ້າຮ່ວມກອງປະຊຸມສະມັດຊາສະຫະພັນລັດຖະສະພາສາກົນຄັ້ງທີ 138

ເທົ່າທີ່ຜູ້ຂຽນໄດ້ ຕິດຕາມ ສະພາບບັນຍາກາດ ແລະ ຜົນ ໄດ້ຮັບກອງປະຊຸມໃນແຕ່ລະມື້, ທາງຜູ້ແທນເຮົາໄດ້ສະ ເໜີໃຫ້ລັດຖະບານຄົ້ນຄວ້າ ແກ້ໄຂບັນຫາຕ່າງໆນັ້ນ ລ້ວນ ແລ້ວແຕ່ໄດ້ພົວພັນເຖິງຊາ ຕາກຳຂອງຊາດ ແລະ ເພື່ອ ຜົນປະໂຫຍດຂອງປະຊາຊົນ ທັງນັ້ນ.

ດັ່ງທີ່ຮູ້ແລ້ວວ່າ, ຜູ້ແທນ ປະຊາຊົນຢູ່ບ້ານເຮົາແມ່ນ ຜູ້ແທນທີ່ມາຈາກປະຊາຊົນ ແລະ ເພື່ອປະຊາຊົນຢ່າງແທ້ ຈິງ. ຍ້ອນວ່າກວ່າຈະໄດ້ກ້າວ ຂາເຂົ້າມາເປັນຜູ້ແທນກໍຕ້ອງໄດ້ຜ່ານການຄັດເລືອກຈາກ ບັນດາຂະແໜງການ, ອົງ ການ ແລະ ທ້ອງຖິ່ນ, ເຊິ່ງເຫັນ ວ່າມີເງື່ອນໄຂຄົບຖ້ວນ, ມີ ຄວາມຮູ້ຄວາມສາມາດ, ມີບົດ ບາດຕໍ່ສັງຄົມ ແລະ ມີຜົນງານ ໂດດເດັ່ນແກ່ປະເທດຊາດ ບ້ານເມືອງຫລາຍພໍສົມຄວນ.

ແຕ່ສິ່ງທີ່ຂາດບໍ່ໄດ້ນັ້ນ, ຜູ້ ແທນຕ້ອງມີແນວຄິດຫລັກ ໝັ້ນຕໍ່ພັກ, ຕໍ່ລັດ, ຕໍ່ຊາດ ແລະ ຮັບໃຊ້ປະຊາຊົນດ້ວຍຄວາມສັດຊື່ບໍລິສຸດ ແລະ ຈິງໃຈຖື ເອົາອຸດົມການແນວຄິດ ແລະ ການກະທຳຂອງຕົນເພື່ອ ຮັບໃຊ້ຊາດ, ຮັບໃຊ້ປະຊາຊົນ ແລະ ທຸກສິ່ງທຸກຢ່າງກໍເຮັດ ເພື່ອຜົນປະໂຫຍດຂອງປະຊາຊົນບັນດາເຜົ່າ.

ແນວໃດກໍຕາມ, ຜ່ານ ກອງປະຊຸມສະໄໝສາມັນ ເທື່ອທີ V ຂອງກອງປະຊຸມ ສະພາແຫ່ງຊາດຄັ້ງທີ VIII ນີ້, ກໍມີຫລາຍບັນຫາທີ່ຜູ້ແທນ ເຮົາໄດ້ສະເໜີໃຫ້ທາງເບື້ອງລັດຖະບານເປັນຜູ້ດຳເນີນ ການແກ້ໄຂໃຫ້ເດັດຂາດ ຈິງຈັງ ແລະ ເປັນຮູບປະທຳ ຫລາຍຂຶ້ນກວ່າເກົ່າເຊັ່ນ: ນອກຈາກບັນຫາກວມລວມ ໃນແຜນພັດທະນາເສດຖະ ກິດ-ສັງຄົມໄລຍະ 6 ເດືອນ ຕົ້ນປີ ແລະ ທ້າຍປີແລ້ວ, ບັນ ຫາສະເພາະເຈາະຈົງກໍແມ່ນ ໃຫ້ແກ້ໄຂເລື່ອງການສໍ້ລາດ ບັງຫລວງ, ບັນຫາຢາເສບ ຕິດ, ອຸປະຕິເຫດຖະໜົນ, ບັນ ຫາການຈັດສັນພະນັກງານ ທີ່ເຫລືອບໍ່ພໍ, ບັນຫາການ ຈັດສັນທີ່ດິນ ແລະ ບັນຫາ ອື່ນໆທີ່ຍັງເປັນປາກົດການ ຫຍໍ້ທໍ້, ເຊິ່ງຍັງກົດໜ່ວງຖ່ວງ ດຶງບາດກ້າວເດີນຂອງຊາດ.

ເຖິງຢ່າງໃດກໍດີ, ຕາມ ເຮົາເຫັນຕົວຈິງ, ນັບແຕ່ຄະ ນະລັດຖະບານກັບສະພາ ແຫ່ງຊາດຊຸດທີ VIII ໄດ້ມາ ບໍລິຫານປົກຄອງບ້ານເມືອງຕັ້ງແຕ່ປີ 2016 ເປັນຕົ້ນມາ ເຫັນວ່າມີການປ່ຽນແປງໃນຫລາຍດ້ານເຊັ່ນ: ປ່າກໍຖືກ ປິດ, ເສດຖະກິດກໍຍັງເດີນໜ້າ ຕໍ່ເນື່ອງ, ສັງຄົມມີຄວາມສະ ຫງົບໂດຍພື້ນຖານ, ເຊິ່ງເມື່ອ ບໍ່ດົນມານີ້ບໍລິສັດດ້ານການ ຕະຫລາດທີ່ປຶກສາ ແລະ ວິ ເຄາະພຶດຕິກຳຜູ້ບໍລິໂພກໄດ້ ຈັດບັນດາປະເທດທີ່ປອດ ໄພ, ປະຊາຊົນຮູ້ສຶກໄດ້ຮັບ ຄວາມປອດໄພທີ່ສຸດໃນໂລກ (Callups Law and Order index) ຖືວ່າລາວ ເຮົາກໍໄດ້ອັນດັບທີ 37 ຂອງ ໂລກ, ສ່ວນໃນຄອບຄົວອາ ຊຽນກໍມີສິງກະໂປໄດ້ຄອງ ອັນດັບໜຶ່ງຂອງໂລກ.

ມາຮອດປັດຈຸບັນ, ເຖິງ ວ່າປະເທດຂອງພວກເຮົາບໍ່ ທັນສາມາດຫລຸດພົ້ນອອກຈາກຄວາມທຸກຍາກ ແລະ ດ້ອຍ ພັດທະນາກໍຕາມ, ແຕ່ກໍເຫັນ ວ່າໄລຍະແຫ່ງການປົກປັກ ຮັກສາ ແລະ ສ້າງສາປະເທດ ຊາດພຽງ 40 ກວ່າປີມານີ້ ກໍ ຖືວ່າມັນເປັນໄລຍະສັ້ນ ແລະ ເຄັ່ງຮ້ອນ, ແຕ່ຖ້າທຽບໃສ່ ບາງ ປະເທດອື່ນໃນໂລກ ແລ້ວກໍເປັນທົດສະວັດ ຫລື ສັດຕະວັດ ຈຶ່ງກາຍເປັນປະ ເທດຮັ່ງມີໄດ້.
ຄິດວ່າໃນອະນາຄົດ ອາດບໍ່ເຖິງສິບ ຫລື ຊາວປີ ຂ້າງໜ້າລາວເຮົາກໍຕ້ອງ ຫລຸດພົ້ນອອກແຕ່ຄວາມທຸກ ຍາກ ແລະ ດ້ອຍພັດທະນາ ໄດ້ຢ່າງແນ່ນອນ.