ລ໋ອບສະເຕດ້ຽມເຂົ້າແຄ້ມບູລີລໍາ

ໃນວັນທີ 25 ມິຖຸນາ 2018 ອາຄາເດມີລ໋ອບສະເຕດ້ຽມ ເຂົ້າແຄ້ມອາຄາເດມີບູລີລໍາ ຢູໄນເຕັດ ເພື່ອເສີມສ້າງທັກສະໃນການຫລິ້ນບານໃຫ້ມີຄວາມຊຳນານກ້າວສູ່ເປັນນັກກິລາມືອາຊີບໃນອະນາຄົດ ເຊິ່ງນໍາໂດຍທ່ານ ອາລ໋ອບມະນີບົດ ປະທານອາຄາເດມີລ໋ອບສະເຕດ້ຽມ ພ້ອມດ້ວຍນັກກິລາຈໍານວນ18 ຄົນທີ່ເຂົ້າຮ່ວມແຄ້ມໃນຄັ້ງນີ້.

ການເຂົ້າແຄ້ມອາຄາເດມີບູລີລໍາຄັ້ງນີ້ ໄດ້ດໍາເນີນແຕ່ວັນທີ 24-28 ມິຖຸນາ 2018 ເຊິ່ງນັກກິລາຈະໄດ້ຮຽນຮູ້ກ່ຽວກັບທັກສະໃນການຫລິ້ນບານໃຫ້ມີຄວາມຄ່ອງແຄ້ວ. ນອກຈາກນັ້ນ, ຍັງຈະໄດ້ຫລິ້ນກິດຈະກໍາຕ່າງໆ ພ້ອມທັງເຂົ້າຮ່ວມເບິ່ງນັດການແຂ່ງຂັນລະຫວ່າງ ສະໂມສອນບູລີລໍາ ຢູໄນເຕັດ ພົບກັບ ສະໂມສອນແບັງຄັອກ ຢູໄນເຕັດ ວັນທີ27 ມິຖຸນານີ້, ທັງນີ້ເພື່ອສ້າງແຮງບັນດານໃຫ້ນັກກິລາໄດ້ມີການພັດທະນາກ້າວສູ່ເປັນນັກກິລາທີມຊາດ.