ສານ ສ ເກົາຫລີ ຕັດສິນໃຫ້ ການຄ້າຂາຍຊີ້ນໝາຜິດກົດໝາຍ
ສານ ສ ເກົາຫລີ ລະບຸວ່າ: ການຂ້າໝາເພື່ອຂາຍຊີ້ນເປັນສິ່ງຜິດກົດໝາຍ ເຊິ່ງເປັນຄຳຕັດສິນຄັ້ງປະຫວັດສາດຂອງປະເທດ, ແຕ່ນັກເຄື່ອນໄຫວເພື່ອສິດທິສັດກັງວົນວ່າ: ຈະນຳໄປສູ່ການບໍລິໂພກຊີ້ນໝາໂດຍຜິດກົດໝາຍ.
South Korea has outlawed the killing of dogs for meat in a landmark ruling https://t.co/S1CE5sNbzG pic.twitter.com/ttmPuXFMBr
— AFP News Agency (@AFP) June 21, 2018
ຊີ້ນໝາເປັນເມນູອາຫານຂອງ ສ ເກົາຫລີ ມາດົນນານ, ຄາດວ່າໃນແຕ່ລະປີມີໝາປະມານ 1 ລ້ານໂຕທີ່ຖືກຂ້າເພື່ອບໍລິໂພກ. ເຖິງຢ່າງໃດກໍຕາມ, ການບໍລິໂພກຊີ້ນໝາຫລຸດລົງໃນໄລຍະຜ່ານມາ ເນື່ອງຈາກຊາວ ສ ເກົາຫລີ ເລີ່ມເບິ່ງວ່າ ໝາເປັນໝູ່ທີ່ດີທີ່ສຸດຂອງມະນຸດຫລາຍກວ່າເປັນພຽງສັດທົ່ວໄປ, ທັງຄົນຮຸ່ນໃໝ່ບໍ່ນິຍົມຮັບປະທານແລ້ວ ແລະ ກະແສກົດດັນຈາກນັກເຄື່ອນໄຫວ, ເຖິງວ່າທາງການຈະບໍ່ມີຄຳສັ່ງຫ້າມຢ່າງຈະແຈ້ງ ແຕ່ເຈົ້າໜ້າທີ່ໃຊ້ວິທີເຂັ້ມງວດເລື່ອງການຮັກສາສຸຂະອະນາໄມ ແລະ ກົດໝາຍຫ້າມການຂ້າ ໂດຍວິທີການທາຮຸນຂອງໂຮງງານ ແລະ ຮ້ານຄ້າໃນໄລຍະກ່ອນເປັນເຈົ້າພາບຈັດການແຂ່ງຂັນກິລາໂອແລມປິກ. ກຸ່ມສິດທິສັດແຄຣໄດ້ຍື່ນຟ້ອງໃນປີຜ່ານມາກັບໂຮງງານຂ້າໝາໃນເມືອງບູຊອນວ່າ: ຂ້າໝາດ້ວຍວິທີການບໍ່ເໝາະສົມ ແລະ ຂັດກັບຫລັກສຸຂະອະນາໄມ. ສານເມືອງບູຊອນຕັດສິນວ່າ: ການຂ້າໝາເພື່ອບໍລິໂພກເປັນເລື່ອງຜິດກົດໝາຍ ໂດຍປັບໄໝເງິນ 3 ລ້ານວອນ ແຕ່ໄດ້ຍື່ນອຸທອນຕໍ່. ເຖິງວ່າທະນາຍຄວາມກຸ່ມສິດທິຈະຍິນດີຕໍ່ຄຳຕັດສິນດັ່ງກ່າວ ເຊິ່ງຖືເປັນເທື່ອທຳອິດທີ່ລະບຸວ່າ: ການຂ້າໝາເພື່ອຂາຍຊີ້ນເປັນເລື່ອງຜິດກົດໝາຍ, ແຕ່ຈະເຮັດໃຫ້ເກີດການລັກລອບຂາຍຊີ້ນໝາກັນຕໍ່ໄປ. ຂະນະທີ່ສະມາຊິກສະພາພັກປະຊາທິປະໄຕ ເຊິ່ງເປັນພັກລັດຖະບານ ສ ເກົາຫລີ ໄດ້ສະເໜີຮ່າງກົດໝາຍເຂົ້າສູ່ການພິຈາລະນາໃນສະພາ ເພື່ອຫ້າມການບໍລິໂພກຊີ້ນໝາ, ຄຳຕັດສິນຂອງສານ ສ ເກົາຫລີ ກໍ່ໃຫ້ເກີດສຽງປະທ້ວງຈາກໂຮງງານຄ້າຊີ້ນໝາ ແລະ ຍໍ່ຍອມຮັບຄຳຕັດສິນ ໂດຍອ້າງວ່າຊີ້ນໝາບໍລິໂພກໄດ້ເຊັ່ນດຽວກັບງົວ, ໝູ, ໄກ່ ແລະ ເປັດ ທີ່ແຕກຕ່າງກໍເປັນພຽງສັດທີ່ລ້ຽງໄວ້ເພື່ອບໍລິໂພກເທົ່ານັ້ນ.
