ຜິວງາມຈາກການທາຜິວຖືກເວລາ
– ທາຫລັງຈາກອາບນຳ້ທຸກເທື່ອ : ແນ່ນອນວ່າການທາຄຣີມບຳລຸງຜິວຫລັງຈາກອາບນຳ້ທຸກເທື່ອຈະຊ່ວຍໃຫ້ຜິວຂອງທ່ານຮັກສາຄວາມຊຸ່ມຊື່ນໄວ້ໄດ້ດີທີ່ສຸດ ເພາະໄລຍະເວລາທີ່ເຮົາອາບນຳ້ ຮູຂຸມຂົນຈະເປີດກ້ວາງ ຫລັງຈາກອາບນຳ້ແລ້ວໃຫ້ເຊັດຜິວໃຫ້ແຫ້ງພໍໝາດໆ ຈາກນັ້ນຟ້າວທາຄຣີມບຳລຸງຜິວທັນທີ ໂດຍທາໃຫ້ທົ່ວຕົນໂຕ ເນັ້ນບໍລິເວນຂໍ້ສອກ ແລະ ຫົວເຂົ່າ ຫລື ໃນບໍລິເວນທີ່ແຫ້ງຫລາຍເປັນພິເສດ ເທົ່ານີ້ຜິວກໍຊຸ່ມຊື່ນຂຶ້ນແລ້ວ.
– ທາບຳລຸງຜິວກ່ອນນອນ : ຫລັງຈາກທີ່ທາຄຣີມບຳລຸງຫລັງຈາກອາບນຳ້ແລ້ວ ທ່ານອາດຈະຄິດວ່າພຽງພໍຕໍ່ການບຳລຸງແລ້ວ, ແຕ່ຄວາມຈິງແລ້ວຮູ້ຫລືບໍ່ວ່າເຮົາສາມາດທາຄຣີມບຳລຸງຜິວຕື່ມໄດ້ອີກຕອນກ່ອນເຂົ້ານອນ ເພາະລະຫ່ວາງທີ່ເຮົານອນຫລັບຜິວຈະຟື້ນຟູໂຕເອງ ແຊນຜິວທີ່ອ່ອນແອກໍຈະໄດ້ຮັບການຟື້ນຟູ. ດັ່ງນັ້ນ, ຫາກທ່ານທາຄຣີມບຳລຸງກ່ອນນອນກໍຈະຍິ່ງຊ່ວຍກະຕຸ້ນການຟື້ນຟູໃຫ້ຜິວງາມ ແລະ ສົດໃສຫລາຍຂຶ້ນ.
– ທາທຸກເທື່ອທີ່ຮູ້ສຶກວ່າຜິວແຫ້ງ : ໃນຕອນກາງເວັນທີ່ທ່ານນັ່ງເຮັດວຽກຢູ່ໃນຫ້ອງການ ຜິວຂອງທ່ານຈະຕ້ອງພະເຊີນກັບ ຄວາມເຢັນຈາກເຄື່ອງປັບອາກາດຢ່າງຫລີກເວັ້ນບໍ່ໄດ້ ຂໍແນະນຳໃຫ້ພົກພາຄຣີມບຳລຸງຜິວໄວ້ທາຕະຫລອດເວລາ ທາທຸກເທື່ອທີ່ທ່ານຮູ້ສຶກວ່າຜິວແຫ້ງ ແມ່ນແຕ່ໃນຍາມທີ່ເຮົາຕາກແດດເລື້ອຍໆຈະຕ້ອງໝັ່ນທາໄປພ້ອມກັນ ເພາະແສງແດດຈະດູດເອົາຄວາມຊຸ່ມຊື່ນອອກຈາກຜິວ ເຮັດໃຫ້ຜິວຍິ່ງແຫ້ງຫລາຍຍິ່ງຂຶ້ນ. ສຳລັບການເບິ່ງແຍງຜິວໃນຍາມໜາວ ສາມາດຢອດນຳ້ມັນເບບີອອຍປະສົມກັບຄຣີມບຳລຸງທີ່ທ່ານທາແລ້ວທາໃຫ້ທົ່ວຕົນໂຕໄປພ້ອມກັນກໍຍັງໄດ້ ຈະຍິ່ງເຮັດໃຫ້ຜິວຂອງທ່ານອ່ອນນຸ້ມສົດໃສກ້ຽງງາມຫລາຍຂຶ້ນ.
