ສະພາຮັບຮອງຮ່າງກົດໝາຍວ່າດ້ວຍທະບຽນຄອບຄົວສະບັບປັບປຸງໃໝ່

ຮ່າງກົດໝາຍວ່າດ້ວຍທະບຽນຄອບຄົວສະບັບປັບປຸງໃໝ່, ໄດ້ຖືກຮັບຮອງຈາກສະພາແຫ່ງຊາດແລ້ວໃນທ້າຍອາທິດຜ່ານມານີ້, ພາຍຫລັງລັດຖະມົນຕີກະຊວງພາຍ ທ່ານ ຄໍາໝັ້ນ ສູນວິເລີດ ໄດ້ຂຶ້ນສະເໜີຮ່າງກົດໝາຍດັ່ງກ່າວຕໍ່ກອງປະຊຸມວ່າ: ກົດໝາຍວ່າດ້ວຍທະບຽນຄອບຄົວສະບັບທີ່ໃຊ້ໃນປັດຈຸບັນແມ່ນສະບັບປັບປຸງໃນປີ 2009 ເພື່ອປ່ຽນແທນກົດໝາຍວ່າດ້ວຍທະບຽນຄອບຄົວສະບັບເລກທີ 30/ສປສ ລົງວັນທີ 30 ທັນວາ 1991. ແຕ່ມາຮອດປັດຈຸບັນເຫັນວ່າເນື້ອໃນກົດໝາຍຍັງບໍ່ທັນຄົນຖ້ວນສົມບູນ ແລະ ຮັດກຸມ ຈຶ່ງມີບາງຈຸດຕ້ອງໄດ້ປັບປຸງຕື່ມ ເພື່ອໃຫ້ຕອບສະໜອງຄວາມຮຽກຮ້ອງຕ້ອງການຂອງການພັດທະນາໃນໄລຍະໃໝ່, ໂດຍ

ຮ່າງກົດໝາຍສະບັັບປັບປຸງນີ້ປະກອບມີ 8 ພາກ, 8 ໝວດ ແລະ 70 ມາດຕາ (ກົດໝາຍສະບັບເກົ່າມີ 8 ພາກ, 8 ໝວດ ແລະ 59 ມາດຕາ) ຖືວ່າຈໍານວນພາກ ແລະ ໝວດແມ່ນຮັກສາໄວ້ຄືເກົ່າ, ແຕ່ເພີ່ມ 13 ມາດຕາ ເພື່ອໃຫ້ສອດຄ່ອງກັບລັດຖະທໍາມະນູນ ແລະ ກົດໝາຍກ່ຽວຂ້ອງ ເປັນຕົ້ນ: ກົດໝາຍວ່າດ້ວຍສັນຊາດ, ເພື່ອເຮັດໃຫ້ກົດໝາຍວ່າດ້ວຍທະບຽນຄອບຄົວມີເນື້ອໃນຄົບຖ້ວນ, ຊັດເຈນ ແລະ ຮັດກຸມ, ກໍານົດເພີ່ມບາງວຽກທີ່ມີຄວາມຮຽກຮ້ອງຕ້ອງການຕົວຈິງໃນໄລຍະໃໝ່, ພ້ອມທັງເປັນການສ້າງຄວາມເຂັ້ມແຂງໃຫ້ແກ່ການຈັດຕັ້ງທີ່ຮັບຜິດຊອບວຽກງານທະບຽນຄອບຄົວໃຫ້ເປັນເອກະພາບໃນຂອບເຂດທົ່ວປະເທດ.