ທະນາຄານເອຊີລີດາ ສາຂາຄຳມ່ວນ ຕັ້ງເປົ້າປ່ອຍສິນເຊື່ອ ໃຫ້ໄດ້ 66,465 ຕື້ກີບ ໃນປີນີ້
ທ່ານ ບຸນລ໋ອງ ບຸຜາຄໍາ ຫົວໜ້າສາຂາທະນາຄານ ເອຊີລີດາປະຈໍາແຂວງ ຄໍາມ່ວນ ໃຫ້ຮູ້ວ່າ: ໃນປີ 2018 ແຜນລະດົມເງິນຝາກ ຈະໃຫ້ໄດ້ 46,278 ຕື້ກີບ, ດ້ານສິນເຊື່ອເງິນກູ້ຕາມ ແຜນການແມ່ນ 66 ຕື້ກວ່າ ກີບ. ຜ່ານການຈັດຕັ້ງປະຕິ ບັດຕົວຈິງໃນໄຕມາດ 1 ເງິນ ຝາກປະຕິບັດໄດ້ 11 ຕື້ກີບ ທຽບໃສ່ແຜນປີ 88,75%, ສິນເຊື່ອເງິນກູ້ປະຕິບັດໄດ້ 54 ຕື້ກວ່າ ກີບທຽບໃສ່ແຜນການ ເທົ່າກັບ 82,62%.
+ ທະນາຄານນະໂຍບາຍອະນຸມັດເງິນ 300 ກວ່າລ້ານກີບຊຸກຍູ້ການຜະລິດຂອງປະຊາຊົນເມືອງລະມາມ
+ ທະນາຄານໂລກຄາດຄະເນ GDP ໂລກປີນີ້ເຕີບໃຫຍ່ 3,1%
ໃນປີ 2017 ຜ່ານມາ ໄດ້ຕັ້ງເປົ້າລະດົມເງິນຝາກ ໃຫ້ບັນລຸ 47 ຕື້ກີບ, ປະຕິບັດ ໄດ້ 41,7 ຕື້ກີບ ເທົ່າກັບ 88,72% ຂອງແຜນປີ, ດ້ານ ສິນເຊື່ອແຜນການແມ່ນ 58,1 ຕື້ກີບປະຕິບັດໄດ້ຕົວ ຈິງ 60,7 ຕື້ກີບ ເທົ່າກັບ 104,47% ຂອງແຜນການ ປີ. ສ່ວນສາເຫດທີ່ພາໃຫ້ ໄດ້ລື່ນແຜນແມ່ນຍ້ອນການ ອໍານວຍຄວາມສະດວກ ຈາກພາກລັດໃນການດໍາ ເນີນທຸລະ ກິດບວກກັບຄວາມ ເຊື່ອໝັ້ນ ແລະ ຄວາມໄວ້ ວາງໃຈຈາກລູກຄ້າ, ພະນັກ ງານແຕ່ລະຄົນແມ່ນເຮັດ ວຽກຢ່າງມີຄວາມຮັບຜິດ ຊອບສູງໃນການປະຕິບັດ ລະບຽບພາຍໃນຂອງທະ ນາຄານຢ່າງເຂັ້ມງວດ. ສໍາ ລັບປີ 2017 ທີ່ຜ່ານມາທະ ນາຄານກາງໄດ້ວາງມາດ ຕະຖານອັດຕາຄວາມສຽງ ດ້ານການປ່ອຍສິນເຊື່ອ (NPL) ຢູ່ທີ່ 3%, ແຕ່ທະ ນາຄານເອຊີລີດາ ຈໍາກັດ ສາຂາ ແຂວງຄໍາມ່ວນປະ ຕິບັດໄດ້ 0,29%. ສ່ວນບັນ ຊີເງິນຝາກລູກຄ້າປັດຈຸບັນ ແມ່ນມີ 8.600 ກວ່າບັນຊີ.
ທ່ານ ບຸນລ໋ອງ ບຸຜາ ຄໍາ ໃຫ້ຮູ້ວ່າ: ສໍາລັບການ ສະໜອງສິນເຊື່ອເງິນກູ້ ເພື່ອການດໍາເນີນທຸລະ ກິດສ່ວນໃຫຍ່ແມ່ນທຸລະ ກິດຂະໜາດນ້ອຍ ແລະ ກາງ (SME) ໂດຍອັດ ຕາ ດອກເບ້ຍຈະຂຶ້ນກັບວົງ ເງິນໃນການປ່ອຍກູ້ຄື 15 ລ້ານກີບລົງມາແມ່ນກໍາ ນົດ 1 ປີ, ຖ້າຫຼາຍກວ່າ 15 ລ້ານກີບຂຶ້ນໄປແມ່ນ ໄລຍະ ເວລາ 6 ປີ, ສໍາລັບອັດຕາ ດອກ ເບ້ຍ 1 ປີລົງມາແມ່ນ 12% ຕໍ່ປິ, ຖ້າຫຼາຍກວ່າ 1 – 4 ປີແມ່ນ 13% ຕໍ່ປີ, ຫຼາຍກວ່າ 4 – 6 ປີແມ່ນ 13,5% ຕໍ່ປີ. ສ່ວນວ່າ ການຊໍາລະເງິນຄືນແມ່ນ ຂຶ້ນກັບເງື່ອນໄຂທຸລະກິດ ຂອງລູກຄ້າເຊັ່ນດຽວກັນ.
